الخميس، أغسطس 16، 2007

وآدي كمان تاج

أختي الحبيبة لحظة بعتتلي تاج
اسم مدونتك؟
طعمة
لماذا اخترته ..وماهي نيتك من وراء اختياره؟
هو اسمي المستعار من ساعة ما اتعرفت على عالم المنتديات إللي ربنا تاب عليا منه ولله الحمد
هل فكرت في إغلاق مدونتك؟ والسبب؟
فكرت فعلا في إغلاق مدونتي مرة لإني حسيت إن الكلام مابقاش منه فايدة
صورتك في المدونة ورمزيتها ؟؟
صورة بنت مسلمة مُحجبة بتعبر عن بنت مسلمة مُحجبة
لماذا دخلت عالم التدوين من الاساس؟
إللي عرفني على عالم التدوين أخونا
يحيى عياش وماكونتش أعرف حاجة عن العالم ده أساسا
وكانت فكرة دخول عالم التدوين هي إيجاد مدونين مسلمين في مقابل المدونين العِلمانيين إللي كانوا أول من استخدم المدونات في الوطن العربي والإسلامي
جمله قيلت لك فى وصف مدونتك؟
مش فاكرة الصراحة
التعليقات بالنسبه لك ، أهميتها؟
التعليقات بالنسبالي تفاعل مع الآخرين
من خلالها باعرف من الناحية الحياتية إذا كنت في تقدم ولا تأخر ولا مَحلك سِر
احلى بوست كتبته ...ضع اللينك , ثم اذكر لماذا؟
العِلمانييون العرب
لإني حبيت أعرف مُدعي الحرية إن الحرية مكفولة للجميع
مش مقصورة عليهم هما بس
أفضل بوست قرأته؟ وضع لينكه؟
فاعتزل تلك الفرق كلها ... للدكتور خالد
أفضل مدونة قرأتها؟
ما شاء الله كتير وماقدرش أعدهم
حد قل أدبه فى التعليق إيه رد فعلك؟
في بداية رحلتي للتدوين شخص مُحدد معروف بين المدونين بقلة أدبه
وكنت باحذف ردوده بمنتهى البساطة
أسوأ مدونة؟
إللي صاحبها فاكر إنه هو الكبير والباقي صغيرين
أسوأ بوست أسوأ مدون ؟
إللي موجودين في المدونة السابق ذكرها
هيحصل ايه لإيميلك لما تموت ؟؟
الله أعلى وأعلم
اديت الباسوورد لحد قبل كده؟
أيوة ... أخونا يحيى عياش
كانت إيه طبيعة علاقتك بيه؟
كان وقتها زميل منتدى واديته الباسوورد علشان يعدل اتجاه الكتابة في المدونة من الشمال لليمين
اسمك؟
إيمان الحسيني
المشهور بيه وسط اصحابك؟
إيمان الحسيني
شخصيتك نوعها إيه؟
شخصية عادية جدا ، بازعل وبافرح ، وباشرب ميه لما باعطش
السفر بالنسبة لك؟
كان أسلوب حياة في مرحلة ما من العمر
وأصبح الحبيب الذي أشتاق إليه
وقت فراغك بتعمل فيه إيه؟
القراءة ، النت ، التليفزيون
المود بتاعك؟
في هذه اللحظة بالذات ... التفاؤل
الاكلة المفضلة؟
طبعا المكرونة بالباشاميل
الصفات اللي أخدتها من بابا؟
النظام الزائد عن اللزوم
الصفات التي أخدتها من ماما ؟
حب البيت والاستقرار
اكتر ست حاجات بكرهها؟
الكذب ، الكِبر ، الخيانة ، تعقيد ما هو سهل ، عدم الدقة في المواعيد ، تدخل الناس فيما لا يعنيها
اكتر ست حاجات بحبها؟
قيام الليل ، البحر ، الأطفال ، كتاب مُفيد ، القاعدة في البيت ، الكتابة
الشغل بالنسبة لك؟
وسيلة للكسب المادي بطريقة حلال
الانترنت بالنسبه لك؟
عالم حي لما باتدايق منه بافصل الوصلة بتاعته وخلاص

هناك 12 تعليقًا:

حائر في دنيا الله يقول...

بسم الله ما شاء الله
كلام جميل وسلس ومن القلب ربنا يكرمك

مع تحياتي
السلام عليكم

عصفور المدينة يقول...

ممكن تصحيح إملائي
يقلب من الشمال لليمن
:D
بافرح لماألاقي الناس اللي عاشوا عالم المنتديات يقولوا إن المدونات أفضل لأني رفضت عالم المنتديات تماما ولم أدخله مطلقا إلا باحثا عن برامج الموبايل

بارك الله فيك

طـعـمـة يقول...

ربنا يكرمك ويعزك يا حائر

طـعـمـة يقول...

جزاك الله كل خير يا عصفور المدينة
سيتم تصحيح الخطأ بإذن الله :)
كنت عارفة إنك متربصلي
:D

بالنسبة للمنتديات وعن تجااااااارب شخصية في عالمها
هي فعلا اختراع نُص كُم
مش وحشة بشكل كامل
بس للأسف الغالب عليها هو الوحاشة
الحاجة الجميلة إللي كسبتها من عالم المنتديات هي الأخوات إللي اتعرفت عليهم في عالم الواقع

لحظة يقول...

ايه الجمال والسرعة دي
ما قل ودل
حستيني اني كتبت مرجع
بس جميل وبسيط
ربنا يكرمك
وفي انتظار باقي الحلقات

طـعـمـة يقول...

ربنا يكرمك ويعزك يا لحظة
والله كنت فرحانة جدا إني جيت على بالك :)

ده أنا كنت ناوية أنزل الحلقة التانية من مسلسل : أنا ورمضان وشوشو
:D
بس لقيت التاج بتاعك قولت أرد عليه الأول
عامة الحلقة التانية هتنزل دلوقتي إن شاء الله :)

عصفور المدينة يقول...

يا بنتي أنا لما الاقي خطأ إملائي واصححه أو حد يعمل معايا كدة بافرح لأن ده دليل على القراءة المدققة مش قرءة لأجل التعليق كما يفعل البعض
:)

طـعـمـة يقول...

ربنا يكرمك ويعزك يا عصفور
والله أنا كنت باهزر معاك مش أكتر :)

الطائر الحزين يقول...

مبروك التاج

هى نسيت الياء فقط وبعدين تمشى من الشمال الى اليمن عادى يعنى

من دول اوربا الى اليمن اللى كان سعيد

ربنا يرزقنا الاخلاص بارك الله فيك

طـعـمـة يقول...

بارك الله فيك وبك أخي الكريم

ارحم دماغك! يقول...

إيه ده اسمي مكتوووب؟
طيب :D

والله يا أخت طعمة ده واحد من الانجازات اللي بافخر بيها اني أقنعت حضرتك تدوني :D

كانت اضافة مميزة للبلوجسفير :D

طـعـمـة يقول...

جزاك الله خير الجزاء يا يحيى :)
والحق أحق أن يُتبع
أنت إللي عرفتني على المدونات واديتني فكرة مُبسطة عن كيفية التعامل مع لغة الـ
html