السبت، أغسطس 11، 2007

لماذا نرضى الدنية في ديننا ؟!!!

من شوية كنت قاعدة أنا وماما بنتكلم عن أحوال الدنيا والمشاكل من حوالينا
ودار بينا الحوار ده :
ماما : امبارح في برنامج (عم يتساءلون) على قناة دريم كانوا مُستضيفين الدكتورة ".........." ، وواحدة اتصلت بيها تشتكي من إنها متزوجة من سنة ومعاها طفل رضيع واكتشفت إن زوجها بيخونها في بيت الزوجية مع زميلة عمله ، ولما واجهته اعترف وما أنكرش وقال إنه هيتجوزها كمان ، وهي مش قادرة تستمر معاه وعاوزة تطلق ، فالدكتورة "........." طلبت منها الصبر والاستمرار مع زوجها علشان الطفل الصغير !!!!
أنا : إزاي وهي عالمة وعارفة دينها كويس تقولها تستمر معاه وربنا بيقول في سورة النور : " الزَّانِي لا يَنكِحُ إِلاَّ زَانِيَةً أَوْ مُشْرِكَةً " ؟!!!!
ماما : يعني إيه ؟
أنا : يعني طالما هو ارتكب فاحشة الزنا واعترف بيها وما تابش منها يبقى لازم يُفرق بينه وبين زوجته المُحصنة أو يتم فسخ عقد الزواج أو تُطلق منه ، لإنه زاني وهي مُحصنة عفيفة .... ماينفعش زاني يتزوج من مُحصنة والعكس صحيح .... ربنا بيقول : " الزَّانِي لا يَنكِحُ إِلاَّ زَانِيَةً أَوْ مُشْرِكَةً وَالزَّانِيَةُ لا يَنكِحُهَا إِلاَّ زَانٍ أَوْ مُشْرِكٌ وَحُرِّمَ ذَلِكَ عَلَى الْمُؤْمِنِينَ " .
ماما : مش عارفة بقى ... بس هي طلبت منها تستمر معاه وتستخدم مع ضرتها أسلوب كيد النِسا .
أنا : كيد النِسا !!!! حسبنا الله ونعم الوكيل .
------------------------------------------------
* تحديث (1) :
تفسير الآية الكريمة عند ابن كثير :
ذَهَبَ الْإِمَام أَحْمَد بْن حَنْبَل رَحِمَهُ اللَّه إِلَى أَنَّهُ لَا يَصِحّ الْعَقْد مِنْ الرَّجُل الْعَفِيف عَلَى الْمَرْأَة الْبَغِيّ مَا دَامَتْ كَذَلِكَ حَتَّى تُسْتَتَاب فَإِنْ تَابَتْ صَحَّ الْعَقْد عَلَيْهَا وَإِلَّا فَلَا وَكَذَلِكَ لَا يَصِحّ تَزْوِيج الْمَرْأَة الْحُرَّة الْعَفِيفَة بِالرَّجُلِ الْفَاجِر الْمُسَافِح حَتَّى يَتُوب تَوْبَة صَحِيحَة لِقَوْلِهِ تَعَالَى " وَحُرِّمَ ذَلِكَ عَلَى الْمُؤْمِنِينَ " وَقَالَ الْإِمَام أَحْمَد حَدَّثَنَا عَارِم حَدَّثَنَا مُعْتَمِر بْن سُلَيْمَان قَالَ : قَالَ أَبِي حَدَّثَنَا الْحَضْرَمِيّ عَنْ الْقَاسِم بْن مُحَمَّد عَنْ عَبْد اللَّه بْن عَمْرو" أَنَّ رَجُلًا مِنْ الْمُؤْمِنِينَ اِسْتَأْذَنَ رَسُول اللَّه صَلَّى اللَّه عَلَيْهِ وَسَلَّمَ فِي اِمْرَأَة يُقَال لَهَا أُمّ مَهْزُول كَانَتْ تُسَافِح وَتَشْتَرِط لَهُ أَنْ تُنْفِق عَلَيْهِ قَالَ فَاسْتَأْذَنَ رَسُول اللَّه صَلَّى اللَّه عَلَيْهِ وَسَلَّمَ أَوْ ذَكَرَ لَهُ أَمْرهَا قَالَ فَقَرَأَ عَلَيْهِ رَسُول اللَّه صَلَّى اللَّه عَلَيْهِ وَسَلَّمَ" الزَّانِي لَا يَنْكِح إِلَّا زَانِيَة أَوْ مُشْرِكَة وَالزَّانِيَة لَا يَنْكِحهَا إِلَّا زَانٍ أَوْ مُشْرِك وَحُرِّمَ ذَلِكَ عَلَى الْمُؤْمِنِينَ" وَقَالَ النَّسَائِيّ أَخْبَرَنَا عَمْرو بْن عَدِيّ حَدَّثَنَا الْمُعْتَمِر بْن سُلَيْمَان عَنْ أَبِيهِ عَنْ الْحَضْرَمِيّ عَنْ الْقَاسِم بْن مُحَمَّد عَنْ عَبْد اللَّه اِبْن عَمْرو قَالَ : كَانَتْ اِمْرَأَة يُقَال لَهَا أُمّ مَهْزُول وَكَانَتْ تُسَافِح فَأَرَادَ رَجُل مِنْ أَصْحَاب رَسُول اللَّه صَلَّى اللَّه عَلَيْهِ وَسَلَّمَ أَنْ يَتَزَوَّجهَا فَأَنْزَلَ اللَّه عَزَّ وَجَلَّ " الزَّانِي لَا يَنْكِح إِلَّا زَانِيَة أَوْ مُشْرِكَة وَالزَّانِيَة لَا يَنْكِحهَا إِلَّا زَانٍ أَوْ مُشْرِك وَحُرِّمَ ذَلِكَ عَلَى الْمُؤْمِنِينَ "
كان هذا مختصر ... ورابط صفحة تفسير الآية هو :
------------------------------------------------
* تحديث (2) :
عذرا يا جماعة
أنا لقيت الفتوى دي على موقع الشبكة الإسلامية
نسأل الله أن يُرينا الحق حقا وأن يرزقنا اتباعه
وأن يُرينا الباطل باطلا وأن يرزقنا اجتنابه
اللهم آمين

هناك 15 تعليقًا:

الطائر الحزين يقول...

السلام عليكم

مش عارف ايه الحكم
ممكن اسأل وارد ويمكن من باقى الردود اعرف
تحياتى

Tarek يقول...

أصل بغض النظر عن الحكم الشرعي
إزاي كرامتها تسمحلها تعيش مع واحد بيخونها

hollow يقول...

اولا : اسأل الله ان يعفينا جميعا من الزنه .. ومما ابتلي بهي غيرنا... امين يارب العالمين
ثانيا:اعلم انكي غيوره علي دينك.. عسي ان يهدينا ربي لاقرب من هذا رشدا
واعلم انكي تعلمي ان الزنه كبير من الكبائر وان حد المحصن الرجم حتي الموت ... ولكننا في مصر لا نطبق اي منهاوحسبنا الله ونعم الوكيل
ولكن جعل الله لزنه وتطبيق الحد شروط ان يكون هناك اربع شهود
وحتي عندما كان عمر بن الخطاب امير المؤمنين ودخل علي جمعه المسلمين وكان بينهما علي بن اب طالب (رضي الله عنهم اجمعين)قال لقد رايت الان زني وزانيه فقال علي (رضي الله عنه ) له عندك اربع شهود فقال عمر لا ولكني رايتهما بعيني فقال علي: لوا نطقت باسمائهم لمضي فيك حد الله (رمي المحصنات
وقال رسول الله (صلي الله عليه وسلم
كفي بالمرء كذبا ان يحدث بكل ما يسمع
صدق رسول الله (صلي الله عليه وسلم
واني لاعلم انكي صدقه فيما سمعتي وانكي تغاري علي دينك حفظكي الله ولكن هل تعلمي ان من اتصلت اكنت صدقه
فلوا كانت صدقه فلتدعوا الله ان يرحمها برحمه من عنده ولسوف يمضي فيها وفيه امر الله

واخيرا ان غير متفق حتي ولوا كان هناك10اولاد علي ان يستمر هذا الزوج الا ان يتوب ويندم علي ما فعل
وارجوكي اسمعي شريط الشيخ سعد البريك التوبه الصادقه من علي اسلام وي

واما عن قول الله تعالي
الزَّانِي لا يَنكِحُ إِلاَّ زَانِيَةً أَوْ مُشْرِكَةً
اي يقصد بهي وقوع الزاني والزانيه بالزنه وليست من تحل بهي زوجه

عصفور المدينة يقول...

تفسير الآية فيه سبعة أقوال
واحد منها ما ذكرتيه وليس بأقواها
ولكن فعلا التفريق يعتبر من إنكار المنكر وهجر فاعله

طـعـمـة يقول...

جزاكم الله خير الجزاء جميعا

أنا ماقولتش رأيي الشخصي
ده كان تفسير الآية عند ابن كثير
بإذن الله أعمله تحديث في نفس التدوينة

أخي الكريم (هولو)
جزاك الله كل خير للنصيحة
وأنا في التدونية مش باتكلم عن مدى صحة كلام السائلة من عدمه
أنا باتكلم على الحكم الشرعي فقط

الباحث عن الحقيقة يقول...

اتفق مع عصفور المدينة فيما ذهب اليه
وهناك حل فى الشريعه هى الملاعنه
وهى ان تشهد عليه اربع شهادات ثم يقوم القاضى بعد ذلك بالتفريق بينهما

همسة قلم يقول...

معلش ياجماعة لو هاغرد خارج السرب

هل نطبق الشرع حقا لكي يتم التفريق بين الزوج والزوجة على اسا هذا الحكم الشرعي لابن كثير

يهيأ لي أننا نتحدث عن دولة اخرى غير مصر يعاقب فيها السارق بالسجن سنوات ليخرج ويعود للموال القديم مرة اخرى ..

تعليقي حسرة على عدم تطبيق الشرع ولا يقصد به اى شئ اخر

وجزاكم الله خيرا :)

لحظة يقول...

وحشتيني جدا
كنت مسافرة 4 ايام ورجعت لاقيتك كاتبة اكتر من تدوينه
ما شاء الله
ما بقتش عارفة اعلق على ايه والا ايه

مستنيه قصتك بفارغ الصبر

ربنا يحيي قلبك وينوره دايما

ده حتى المنطق والفطرة بتقول ما ينفعش تعيش مع راجل زي ده
لا حول ولا قوة الا بالله
تحياتي لك

طـعـمـة يقول...

جزاكم الله خير الجزاء جميعا

وبوجه عام أي امرأة فطرتها سليمة ماعتقدش إنها هتقدر تعاشر زوج زاني
بمعنى أصح مش هتقدر تخليه يلمسها تاني كزوجة
لأنها هتحس - بفطرتها السليمة - هتحس بالاشمئزاز منه والنفور
خاصة إذا اعترف بواقعة الزنا وماحسش إنها شيء غلط أو حرام !!!

الله المستعان


حبيبة قلبي لحظة
حمد الله على السلامة
ليكي وحشة والله :)
وبإذن الله هاستنى رأيك في القصة أول بأول

كل سنة والجميع بخير :)

جنـه يقول...

انا مش عارفه البرنامج ده هيفضل يقدم المهازل دي لامتي

حسبنا الله ونعم الوكيل

ارحمنا يارب

Future_Preacher يقول...

السلام عليكم
الاخت طعمة
احسبكي علي خير انك تشعرين بالغيرة علي ديننا العظيم و انك من الناس الحريصة كل الحرص ان يطبق شرع الله علي هذه الارض
بمناسبة البرنامج المستفز ده يعلم الله اني اشعر بالضيق حينما اري المذيع الذي كان اختيار القناه له لهذا البرنامج اختيار ليس برشيد
و لو ان الداعية المذكورة هي اللي ف بالي يبقي ربنا يهديها لان سقاطاتها زادت قوي و تعدت اهانة معظم شيوخنا الاجلاء و وصفهم بالغباء
هداها الله
و هدانا اجمعين
عذرا علي كلامي عن المذيع ان ضايق احد و لكن الله اعلم به و أسأل الله ان يسامحني ان كنت مخطئة
اللهم ارنا الحق حقا و ارزقنا اتباعه و ارنا الباطل باطل و ارزقنا اجتنابه
امييين
جزاكي الله خيرا

عصفور المدينة يقول...

جزاك الله خيرا على التحديث الثاني
التحديث الأول قرأته أمس وزعلت في نفسي وأنا طبيعتي ماخبيش حاجة في نفسي فصراحة لازم أقولك إني زعلت لأني قلت لك إن فيها سبع اقوال فانت جبت تفسير على قول واحد بس وبعدين نفسيتي اتعدلت بالتحديث الثاني مش عشان هو القول اللي باميل إليه ولكن عشان الإنصاف يقتضي ذكر الأقوال الأخرى
جزاك الله خيرا على حبك للحق
وإنصافك

omar مشروع بطل يقول...

مبدأيا كده انا من اشد معارضين الفتوى على التلفزيون او على الهوا لان الفتوى زى حكم المحكمة لازم يكون فيه نقاش وكلام ونعرف تفاصيل التفاصيل ونسمع من جميع الاطراف خصوصا فى مسائل الزواج والطلاق و..

لأن ممكن الشيخ او الدكتورة .. متفهمش الفتوى او اللى بتحكة تخبى معلومة عنها وساعتها تفتى فتوى غلط ممممكن يترتب عليها 2 عايشين فى الحرام طول عمرهم !!!!!!!!!!!!!!

ثانيا بقى الايه بتتكلم على اللى لسة هيتزوج .. لكن لو هما متزوجين فعلا ؟؟ طب ولو الطلاق ده هيقع منه ضرر اكبر طب واذا كان تاب وهيتجوزها ؟؟

الموضوع زى ما قلت لازم تتم الفتوى بعد دراسة مش كده على الماشى

momken يقول...

كويس انا كنت داخل اتخانق معاكى بس التحديث انقذنى
بارك الله فيكى
حين قال تعالى الزانى لاينحك الا زانيه او مشركه كان هذا لتكريه الزنى اى انه ربما يخدع فى زوجته اى ان الزانى يزنى به ولو بعد حين

وطبعا بالنسبه للدكتوره نقط بتاعه الفضائيات لها الله
تحياتى

طـعـمـة يقول...

جزاكم الله كل خير يا جماعة

أنا بس عاوزة أوضح نقطة صغيرة
أنا قرأت تفسير الآية الكريمة وفهمت إن التفسير ده بينطبق على قبل الزوج وبعده
يعني أنا ما كونتش باتصرف بدماغي
أنا كنت باتصرف بفهم خاطيء
وصحيح أنا اتدايقت لما عرفت إن فهمي لتفسير الآية كان خطأ
بس فرحت وحمدت ربنا
لإن تصريحي بالمعلومة الخاطئة خلاني عرفت المعلومة الصحيحة
فيه ناس بتقول ما تتكلموش في الدين بدون علم
أنا لا صاحبة علم ولا كنت باتكلم برأيي الشخصي
أنا اتكلمت بفهم خطأ لتفسير آية
وكلامي ده ربنا خلاه سبب علشان أعرف إيه الصح
يعني (وعسى أن تكرهوا شيئا وهو خير لكم)

والحمد لله حمدا طيبا كثيرا مباركا فيه