الأربعاء، سبتمبر 05، 2007

أحلام مش عادية

أوقات كتيرة قوي بالاقي ماما بعد صلاتها بتقعد تدعي ربنا إنه يطمنها عليا قبل ما يدركها الأجل
وفي بعض الأحيان دي بالاقيها بتبكي من شدة قلقها عليا وفي نفس الوقت تعلقها بالله وإنه وحده القادر على أن يرزقني بزوج صالح يجعلها تطمئن عليا
دي وجهة نظر والدتي في الاطمئنان عليا ... إني أتزوج واستقر في بيت الزوجية
كل ما باشوفها كده مش بالاقي حاجة أصبرها بيها غير إني أذكرها بحلمنا الجميل بدخول الجنة :
يعني ما عليكي غير إنك تتقِ الله في كل كبيرة وصغيرة في حياتك وبس
بعدين أنا عندي مخططات سرية لمسألة الزواج دي
من مصلحتي إني أموت من غير زواج
علشان لما - بإذن الله تعالى - أدخل الجنة يوم القيامة برحمة ربنا أختار العريس إللي على مزاجي بقى :D
وأنا بصراحة حاطة عيني على عُمر بن الخطاب
وأنا عارفة طبعا إن الطلب عليه هيبقى كتير
علشان كده حطيت في بالي اختيارين تانيين
عمر بن عبد العزيز وعلي بن أبي طالب
إيه رأيك بقى يا ست الكل ؟ بالله عليكي فيه أحلى من كده جوازة ؟
ياريت ماحدش ينبهر بكلامي لماما لإني طبعا ماصلتش لحد الكمال
أنا إنسانة زي أي إنسانة بتيجي عليا أوقات كتيرة قوي باحزن وأكتئب بسبب شعوري بالوحدة لإني لا تزوجت ولا أصبحت أم لحد دلوقتي
لكن أحلامي دي هي بريق الأمل إللي بيخليني متمسكة بالآخرة دايما
لإن رحمة الله يوم القيامة مش بتخضع لأي قانون
مالهاش دخل بأي حاجة غير إن ربنا رحمن رحيم
والرحمن الرحيم مش محتاج سبب علشان يرحمنا

هناك 8 تعليقات:

عصفور المدينة يقول...

طموح
وهمة عالية ماشاء الله
بارك الله فيك ورزقك الله زوجا صالحا في الدنيا والآخرة

إيمان الحسيني يقول...

ربنا يكرمك ويعزك يا أخي الكريم

أسأل الله أن يجعلني خيرا مما تطنون
وأن يغفر لي ما لا تعلمون
اللهم آمين

! Eslam ! يقول...

ربنا يحققلك كل احلامك
فعلا احلام عاديه
وربنا يرزوقك بزوجا صالح فى الدنيا والاخره
وربنا يباركلك فى والداتك يارب وميحرمكيش منها
----------------------
فى انتظار البوست فى اقرب وقت جزاك الله خير
---------------
بالمناسبه صحيح ايه رأيك تتطور الشات بوكس بتاعك
ابقا شوفى الشات بوكس عندى ؟؟؟

إيمان الحسيني يقول...

جزاك الله خير الجزاء يا إسلام
تقبل الله منا ومنكم صالح الأعمال
اللهم آمين

الطائر الحزين يقول...

وليخش الذن لو تركوا من خلفهم ذرية ضعافا خافوا عليهم فليتقوا الله

كم تزلزلنى هذه الآية من المسئولية التى تلقيها على عاتقى
عندما يمرض احد ابناءى افتش فى نفسى واقول ماذا فعلت من خطأ واحاول ان اجتهد فى طاعه او صدقة ولو بسيطة

وما المانع أن يرزقك الله بعمر فى الدنيا وعمر فى الأخرة
وكما قال أخى الباشمنهدس عصفور
نعم الهمة العالية

محمد عبد الغفار يقول...

لو ان هذا ما فى قلبك حقاً فإنى أسأل الله لك التثبيت عند الفتنه

Ahmed يقول...

هذا التعليق ليس لكي بل لكل من أراد خير في الدنيا علي أن يدعوا به من ظهر قلب

ما شاء الله لا قوه الا بالله
لقد تعجب الله مين من أرد شيء في الدنيا ولم يقل هذا الدعء الا أعطاه الله
وفي دعاء تاني طويل منشور عندي في المدونه

ربنا يكرمك بالزوج الصالح الذي يعينك وتعينه علي أمري الدنيا والأخره, ويزيد الله بزوجكم أسلامكم ويرزقكم الخلف الصالح
والطيبات لطيبين

رمضان قرب والقصه لسه مخلصتش
متأخريش علينا

إيمان الحسيني يقول...

جزاكم الله خير الجزاء جميعا
وأسأل الله الذي جمعنا في الدنيا الفانية
أن يجمعنا في جنة قطوغها دانية
اللهم آمين