الخميس، سبتمبر 06، 2007

انشروا الإسلام




السلام عليكم يا أحبة
وكل عام وأنتم بخير بمناسبة قرب حلول شهر رمضان المبارك
جعلنا الله وإياكم من العتقاء في هذا الشهر الكريم
اللهم آمين

- عاوز تكسب ثواب ؟
- أكيد طبعا !!!
- طب ممكن أعرف عندك كام مصحف في البيت ؟
- والله مش فاكر بالضبط بس أكتر من 3 مثلا .
- طب أنت بتستخدم المصاحف دي كلها ؟
- يعني إيه ؟
- يعني أنت بتقرأ في المصاحف دي كلها ؟
- لأ طبعا أنا ليا مصحفي الخاص إللي باقرأ فيه .
- طب بتعمل إيه ببقية المصاحف ؟
- !!!!! ولا حاجة !!!!!
- طب تحب تكسب ثواب ؟
- ماقولنا طبعا .
- شارك معانا في حملة " انشروا الإسلام " .
- وأشارك فيها إزاي الحملة دي ؟
- جمّع المصاحف الزيادة إللي عندك وعند كل قرايبك ... المصاحف إللي مافيش حد بيقرأ فيها ولا بيستعملها خالص أو حتى المصاحف القديمة إللي جلدتها اتقطعت .
- وهتعملوا إيه بالمصاحف دي كلها ؟!!!!
- أنت عارف إن فيه ملايين المسلمين في الدول الفقيرة مش لاقيين حتى مصحف واحد يقروا فيه ؟ إحنا بنجمع المصاحف دي من كل إللي نعرفهم ونبعتهلهم .
- معقولة فيه مسلم في الدنيا ماعندهوش مُصحف ؟!!!
- تخيل بقى إحنا مُقصرين قد إيه ؟
- إن شاء الله النهاردة هأجمع كل المصاحف الزيادة إللي عندي وعند كل قرايبي ومعارفي ... بس أوصلهم للفقراء دول إزاي ؟!!
- دي بقى مهمتنا إحنا ... وعلشان أنت أخ فاضل راسل أحد الأخوة الأفاضل على أحد الإيميلين دول في القاهرة أو الإسكندرية :
el7amla_alex_b@yahoo.com
el7amla_cairo_b@yahoo.com
- ولو عندك أخت أو قريبة ممكن تراسل واحدة من البنتين دول علشان توصلهم المصاحف :
el7amla_alex_g@yahoo.com
el7amla_cairo_g@yahoo.com

وتقبل الله منا ومنكم صالح الأعمال
اللهم آمين

لمزيد من التفاصيل برجاء زيارة مدونة أختنا رضوى :
خليك في حالك

هناك 10 تعليقات:

محمد عبد الغفار يقول...

فكرة جميله جداً ولو اخذت بجديه لكانت بفائده غظيمة وثواب اعظم

إيمان الحسيني يقول...

الفكرة تم تنفيذها فعلا يا محمد
وتم شحن دفعة أولى لبعض الدول الأفريقية إللي بتواجه شعوبها عمليات الاختيار ما بين الإسلام أو لقمة العيش
والله المستعان

عصفور المدينة يقول...

بورك السعي وبوركت الجهود

إيمان الحسيني يقول...

جزاك الله خير الجزاء أخي الكريم

radwa يقول...

طعووووووووومه
بحبك جدا فى الله
جزيتى خيرا يا حبيبه

يلا عاوزيت مصاحف عشان نطلع الشحنه
(:

إيمان الحسيني يقول...

انتي يا بنت الحلال مش لسه مقابلاني من أسبوعين ؟
:D

ربنا يكرمكم ويعزكم يا رب
ويجعله في ميزان حسناتكم
اللهم آمين

ابو صهيب ( الجمعاوي الاصيل)سابقاً يقول...

جزاكي الله خيرا اخت طعمه على هذا المجهود المبذول في الحملة وجعله الله في ميزانك يوم القيامة بس ايه المقدمة الجامده دي في اول المدونة(من الآخر
المدونة دي بتاعتي
وإذا شوفت فيها رد مش عاجبني هاحذفه
حتى لو كان رأي شرعي
طالما إنه تم عرضه بقلة أدب تحت مُسمى النصيحة
وإللي مش عاجبه فزي ما قال أخويا أحمد :
يخبط دماغه في الحيط
وياريت إللي هيشارك يقرأ التدونية دي كمان :
الصبر على الأذى
والكائن إللي مسمي نفسه الباحث عن الحقيقة
أي رد هالاقيه هنا باسمك هيتم حذفه بدون النظر إليه
وإللي ليه حق عند التاني يبقى يقتص منه أمام الله يوم القيامة)

إيمان الحسيني يقول...

جزاك الله خير الجزاء أخي الجمعاوي الأصيل
وتقبل الله منا ومنكم صالح الأعمال
اللهم آمين

وبالنسبة للموضوع الأخير فتقدر تقول إن المكان إللي مالهوش قانون يحكمه بيبقى مصطبة لكل من هَب ودب

! Eslam ! يقول...

جزاك الله خير
يا طعمه وربنا يبارك فيكى يارب
والبنره اللى على الشمال دة ما شاء الله عليكى
ربنا يجزاك خير يارب
كله فى ميزان حسناتك بأّذن الله

تامر خليفه يقول...

جزاكم الله كل خير و جعله الله في ميزان حسناتكم