الجمعة، سبتمبر 07، 2007

وجب التنبيه قبل شهر رمضان

الموضوع خاص بنقع الزبيب والتمر معا
زي ما بنعمل في الخشاف
المصدر الأول : الشبكة الإسلامية
المصدر الثاني : منتديات مجاهد

هناك 13 تعليقًا:

الطائر الحزين يقول...

جزاك الله خيرا أول مرة أسمع هذه المعلومة

بلغك الله رمضان
دعواتك

Mohamed A. Ghaffar يقول...

الحمد لله
مبحبهمش طبيعى لا انا ولا مراتى

عصفور المدينة يقول...

قال النووي رحمه الله

قال النووي وذهب أصحابنا وغيرهم من العلماء إلى أن سبب النهي عن الخليط أن الإسكار يسرع إليه بسبب الخلط قبل أن يشتد فيظن الشارب أنه لم يبلغ حد الإسكار ويكون قد بلغه قال ومذهب الجمهور أن النهي في ذلك للتنزيه وإنما يمتنع إذا صار مسكرا ولا تخفى علامته وقال بعض المالكية هو للتحريم


وأفتى كثير من العلماء في عصرنا هذا بجوازه طالما قبل ثلاثة أيام وخاصة مع وجود الثلاجات

طـعـمـة يقول...

أنا كمان كنت أول مرة أسمعها السنة إللي فاتت أخي الكريم
علشان كده قولت أحاول أنشرها السنة دي
وتقبل الله منا ومنكم صالح الأعمال
اللهم آمين

أخ محمد عبد الغفار
فيه حد ما يحبش التمر والزبيب ؟
!!!!!
طب بتحشوا القطايف بإيه ؟
:D

جزاك الله خير الجزاء أخي عصفور المدينة
بارك الله فيك وبك
اللهم آمين

الباحث عن الحقيقة يقول...

خشاف تانى
خشاف تانى يا اخت طعمه
هو انتم عندكم الخشاف مسكر
قلنا العلة هى الاسكار
الاسكار
ملحوظه: متوقع حذفك للتعليق ده
لان حضرتك واضح انك بتاخدى الدين على مزاجك

طـعـمـة يقول...

أنا مش هاحذف الرد
علشان يفضل شاهد على اتهامك ليا في ديني ونيتي إلى يوم القيامة

طـعـمـة يقول...

" يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُونَ "

الباحث عن الحقيقة يقول...

دخلت احذف ردى قبل ما تشوفيه
لكن للاسف كان ردك اسرع
اتمنى انك كمان تقولى لنفسك الايه دى
انتى مشكلتك اكبر
انا قلت وجهة نظر ممزوجه بغضب
لسبب انتى عارفاه
ابقى خلى تدخلك فى خصوصيات الناس تنفعك
وابقى اقعدى نقى واختارى من الدين من غير علم بمزاجك
خليه هو كمان ينفعك
سلام يا داعية المستقبل

عصفور المدينة يقول...

أخي الحبيب الباحث

حضرتك لو سألت عنى الاخت طعمه هتقولك انى بكتب موضوعات اجتماعيه ممتازه
لانها كانت مشرفه فى المنتدى اللى كنت بكتب فيه وكانت دايما بتعجبها موضوعاتى وبتثبتها


هذه عبارتك والتي بناء عليها سألت استاذة طعمة في الشات بوكس عن اسم المنتدى عشان اقرأ بعض مقالاتك في المنتدى تقوم تزعل

وبخصوص الموضوع هنا فالعلة فعلا الإسكار وهو ما أوضحته أنا بدون خناق

طـعـمـة يقول...

أخي الكريم عصفور المدينة
هو أنا تدخلت في خصوصيات الباحث عن الحقيقة ؟!!!
أو حتى اتكلمت عنه في إيميلي ؟

الباحث عن الحقيقة يقول...

السلام عليكم ورحمة الله وبركاته
تحياتى الى جميع الاخوه الموجودين

اولا:لاحظتم جميعا رد فعلى المفاجئ واللى البعض شاف انه مبالغ فيه جدا بخصوص سؤال الاستاذ عصفور للاخت طعمه عن المنتدى اللى بكتب فيه
اللى هيدخل مدونتى هيعرف ان الانفعال ده مش اسلوبى والسر وراء انفعالى الكبير ده انى بكره حارة زعتر جدا الى اقصى درجة ممكن يتخيلها انسان ..لانى عرفت ابشع وافظع واغرب انواع الظلم فى حياتى.. ومجرد ذكر اسم حارة زعتر وحده بيجننى ويفقدنى اعصابى ويخلينى ابلغ فى رد فعلى .. انا تم تشويه سمعتى فى حارة زعتر لكن يا ترى لو كان الاستاذ عصفور شاف قالوا عنى ايه كان هييجنى يسألنى عن الحقيقة ولا كان هيصدقهم؟؟؟
ده اللى عصبنى وده سر كراهيتى
ولو كان جه وسألنى هل انا املك الاعصاب انى اجاوبه ؟هل انا أملك نفسى اذا زكر امامى اسم المنتدى ده؟؟؟


ثانيا: الاستاذ عصفور لم يسألنى ..لما تدخل مدونه بالصدفه تلاقى اتنين واحد بيسأل عنك والتانى بيقولك بعتلك ايميل .زى ما قالت فى البوست اعرف منين ايه اللى تم من مراسلات مش جايز كمان الاخت طعمه مصدقه ما حدث فى المنتدى؟

ثالثا:الاستاذ عصفور اظنه كان متوقع انه لو سألنى مكنتش هجاوب ولو ما جاوبتش فهذا معناه انى بعتبره شئ خاص بي مش عايز حد يعرفه بالتالى الاستفسار عن اسم المنتدى هعتبره تعدى على الخصوصيه
رابعا: صحيح انا قلتلك اسأل طعمه عن المواضيع بمعنى خد رأيها .ولم اكن اقصد ان حد يروح الحارة دى ..وعموما حصل خير

اعتذر عن انفعالى وردة فعلى الشديده
وبالمناسبه يا اخت طعمه مفيش اى خلاف بينى وبين الاستاذ عصفور اطلاقا
ومفيش داعى لمراستلك وايميلك عندى حضرتك سبق وبعتيه ليا فى حارة زعتر لو تتذكرى

*****************

الموضوع الثانى: لعل غضبى وانفعالى هو ما جعلنى اخرج ما بداخلى دون تجميل فهذا رأيى ولولا انى اخشى ان تتوقفى عن التدوين ظنا منك انى قد اتراجع في اختيارك للموضوعات الدينية
فهذا لن يحدث لانها وجهة نظر ..وسوف اذكرها لكى لمناقشتها لعلى بعدها اقتنع او تتفهمى سبب مقولتى
اولا: سبق وتحدثنا فى موضوع الخشاف العام الماضى وقلنا ان العلة هى الاسكار وكان للمدعو السندباد المصرى رأى جعلك تتراجعين او تخففين من حدتك فى التعصب للقول بحرمة الخشاف

ثانيا: تذكرين موضوع تحريم بعض الاسماء المستعاره فى المنتديات وتعصبك له وكيف غضبتى منى وقاطعتينى حين قلت لكى لو طبقنا هذه الضوابط فاسم طعمه يصبح حراما ..والغريب انك قاطعتينى وغيرتى اسم طعمه يعنى اقتنعتى ان اسم طعمه فيه شبهه ومع ذلك غضبتى منى ورجعت واعتذرت وبينتلك قصدى اننا لو تتبعنا ذلك هنحرم حاجات كتير

ثالثا:ذكرتى موضوع عم حدث فى برنامج عم يتساءلون وكيف انتقدتى وتهجمتى على الداعية الاسلامية واتيتى من الشرع برأى واحد من سبعة اراء قال الاخ ابن عصفور انه ليس اقواهم فرجعتى وعملتى تحديث وبينتى ذلك ..بعد رد الاستاذ عصفور فلماذا اذن اخترتى من السبعة اراء رأى ليس بالاقوى ولم تذكرى ان هناك اراء اخرى رغم انك وضعتى اللينك لصفحة التفسير

رابعا: ومن نقاشى معكم ومعرفتى بكم فى الحارة التى اساءت لى واساءت لحضرتك كنت اراكى تتعصبين للرأى الذى تعتقدينه واذا خالفك احد غضبتى وزعلتى حتى وان قمتى بتعديل
خامسا:مانا ممكن انقل رأى احد الملحدين فى مدونتى واقول ده مش رأيى انا مليش دعوه
ترويجك لرأى معين دون التعليق عيه او التحفظ يعنى موافقتك الكامله على ما جاؤ به وترويجك له
بينما تحدث الاخ عصفور وانا قلت ان العلة فى الاسكار نفس اللى قلناه زمان فى حارة زعتر
انما حضرتك لم تبينى ذلك فى التدوينه واكتفيتى بالاشاره الى الموقع
لذلك اقول انى رأيتك تنتقين ما يوافق هواكى ومزاجك ..وهذه ليست اهانه فهذا ليس من حقى بل هى نصيحه او تحذير للاحتراس فيما ننقله فى الحلال والحرام
مثلا :هناك الحديث فى مسلم :ينهى المرأه عن الخروج من بيتها بغير محرم
فهل يقول الفقهاء بان خروج تالمرأه من بيتها بغير محرم حرام
اختى طعمة النص وحده لا يفيد الحكم فهناك ادوات لفهم الاحكام واستنباطها
فاحذرى لما تنقليه فى الحلال والحرام وهذا ليس تحذيرا بل نصيحه زى ما بيقول:احذر ان تقع او احذر ان تسلك الشارع الفلانى
وكل عام وانتم جميعا بخير

ام البنات يقول...

طيب يا طعمه المشكله فى الزبيب ولا البلح
طيب ممكن انقع كل لوحده...واذا غليتهم يحتاجوا وقت قد ايه علشان ميتهريش الزبيب
طعمه عاوزين بوست لطريقة عمل الخشاف
ولا نخلى الطابق مستور
جزاك الله خير يا ست البنات

طـعـمـة يقول...

هههههههههههههه
ربنا يكرمك ويعزك يا أم البنات
بالنسبة للبلح والزبيب وعلى قد فهمي إن الحرمانية في نقعهم مع بعض
لكن كل واحد لوحده مش حرام
لكن لو كل واحد منقوع لوحده وعدى عليه 3 أيام يبقى لازم يترمي


بالنسبة لطريقة عمل الخشاف فانتي ست الكل يعني
:D