الأحد، سبتمبر 09، 2007

باركولي يا أحبة

الحمد لله رب العالمين حمدا طيبا كثيرا مُباركا فيه
النهاردة ربنا يسرلي أمري واجتزت إمتحان القَبول في معهد إعداد الدعاة
وتم قبولي - بفضل الله تعالى - في السنة الأولى في المعهد
إدعولي بالصبر والثبات والتوفيق
وجزاكم الله خير الجزاء جميعا

هناك 34 تعليقًا:

عصفور المدينة يقول...

مبروك وأنا أول واحد أهني وربنا ينفع بيك وملأ الله حياتك بالتفاؤل

الفقيرة إلى الله أم البنات يقول...

طعمه يا ست الكل مبارك يا حبيبتى
اللهم ارضى عن امتك طعمه وارضها
انت يا بنوته بحبك فى الله
يا أجدع بنت
ربى يحفظك

لحظة يقول...

الفمبروك
فعلا فرحتيني
يارب يتقبل منك
ويعينك
ويثبتك
وينفعك بالعلم وينفع بك
عقبالي

ma 3lina يقول...

ألف ألف ألف مبارك ..

والله فرحتيني .. وإني لأغبطك .. فكرتيني بالشهر اللي قضيته في المعهد دا ..

أصل بعيد عنك .. بعيد عنك .. بعد شهر واحد من الدراسة بعتولي أخواننا البعدا وسيادة الرائد صمم إني أنا إخوان .. قعدت افهمه إني بدقن ومش ممكن أكون إخوان

والراجل راسه وألف سيف إني إخوان وقعد يسألني أنت آخر مرة شاركت في مظاهرة للإخوان امتى ؟؟ والتزمت مع الإخوان من امتى ؟؟ وبتروح نقابة المحاميين تقابل مين ؟؟

آآآه حاكم الأمن عندنا صاحي وواعي ..

المهم منعوني من دخول المحاضرات بعد كده أنا وتسعة تانيين وقالوا لنا استنوا لما نحدد موقفكم ومن ساعتها وانا مستني تحديد موقفي والسنة خلصت والناس امتحنت .. وانا برضه مستني تحديد موقفي ...

:D

ومن الطرائف إن في نفس الأسبوع اللي حصل فيه كده كان فيه حديث صحفي في الأهرام مع وزير الأوقاف بيؤكد فيه إن الأمن لا يتدخل أبدا في اختيار الدعاة

!!!!

المهم كنت عايز اقول إن عدد الأخوات في المعهد أكتر بكتييير من الرجالة .. وبصراحة حاجة تشرح القلب الحزين .. ربنا يبارك لهن جميعا .. شفت أخوات في الشهر دا ما شفتهمش في حياتي كلها ولو قعدت احكي عليهم مش حيكفيني مدونتين تلاتة ...

ويكفي الأخت الصغيرة في السن الكبيرة في المقام اللي قامت تعنف الدكتور لأنه قال كلمة رأت الأخت ومعها الحق أنها لا تجوز في حق النبي صلى الله عليه وسلم ..
ربنا يبارك لها ويزيدها من فضله ويثبتها ويرزقها الجنة بغير سابقة عذاب

إيه الرغي دا كله ؟؟؟

المهم قصدي .. ألف مبارك

:)

Ahmed يقول...

الف مبروك,نفعكي الله بما تعلمتي ونفع بيكي الاسلام
ومعني كلمه مبروك اي بارك الله لكي
وربنا يعينك عل الدراسه
صحيح هو المعهد ده بتاع مسجد العزيز بالله

إيمان الحسيني يقول...

جزاكم الله خير الجزاء جميعا
وأسأل الله لي ولكم الصبر والثبات
وأن ينفعنا بما علمنا
وأن يجعل العلم حجة لنا لا علينا
اللهم آمين


أخي الكريم المجهول
معهد العزيز بالله تابع للأوقاف
أنا دخلت معهد تابع للجمعية الشرعية في المطرية
صراحة ماقدرتش على طلبات العزيز بالله
غير احفظ القرآن والأحاديث
طالبين إني أكون قرأت وفهمت عدد 5 كتب لـ5 علماء مختلفين !!!!
والله المستعان

Ahmed يقول...

الف الف الف مبروك يا ايمان
ربنا يعينك على دراسته
ويوفقك
رمضان كريم
وكل سنة وانتي طيبة

إيمان الحسيني يقول...

ربنا يكرمك ويعزك يا أحمد

إيه رأيك في شكل المدونة في رمضان ؟
:D

غير معرف يقول...

ألف مبروك يافندم..أعانك الله على طلب العلم وعلى القيام بحقه :)

semsem يقول...

الف مبروك

الطائر الحزين يقول...

الحمد لله اخيرا بقيتى مبسوطة

اللهم انفع بك
حفظك الله
بارك الله فيك

امنية يقول...

خبر جميل جدا
مبرووك يا طعمه
وربنا يتقبل ويرضى عنك
كل رمضان وانتى لله اقرب يا طعمه..

__

الامانه وصلت
الحقيها قبل ما ابيعها
:P

محمد عبد الغفار يقول...

ربنا يوفقك ويثبتك عشان ده مجهود رهيب

لحظة يقول...

الف مبروك تاني كمان على شكل المدونة
حلوة قوي
والوانها جميلة

عصفور بلا أجنحة يقول...

الف الف الف مبروك

رفقة عمر يقول...

كل سنه وانت طيبه
رمضان كريم
مبروك التحاقك بالمعهد
ربنا يكرمك
ويقد لك الخير اللهم امين

! Eslam ! يقول...

الف الف مبرووووووك يا طعمه
خبر جميل على قدوم ايام اجمل
رمضان كريم وكل سنة وانتى ظيبة
مبروك الاستايل تحفه
ما شاء الله عليك يا طعمه

warda

إيمان الحسيني يقول...

جزاكم الله جميعا خير الجزاء
ويارب تعود الأيام علينا بكل خير
اللهم آمين


أمنية
لو الحاجة اتباعت هابقى أنا السفاح ساعتها
وانتي عارفاني
:P

اللؤلؤة Nehal H Hamza يقول...

ماشاء الله
بوركتِ ياحبيبة ونفع الله بكِ
بجد خبر جميل ذيك ياطعومتي

ربنا يوفقك وتكوني أد المسئولية ياحبي
أحبك في الله

إيمان الحسيني يقول...

أحبك الذي أحببتني فيه يا لؤلؤة
ربنا يكرمك ويعزك يا رب
وكل سنة وانتي طيبة

عصفور المدينة يقول...

كل عام وأنت بخير

إيمان الحسيني يقول...

وأنت طيب وبألف خير أخي الكريم

أمــانــى يقول...

أختى الحبيبة
كـل رمضان وانتى بخير وياااااارب يكون رمضان سعيد عليكى ويكون فيه الخير كله يااااااارب آمـــــــين

إيمان الحسيني يقول...

وإياكم أختي الحبيبة أماني
تقبل الله منا ومنكم صالح الأعمال
اللهم آمين

eldoctor يقول...

تقبل الله صالح اعمالكم و ايدكم بالعلم و الحكمة

radwa يقول...

طيب
كويس انك قلتى عشان ابدأ احقد عليكى

إيمان الحسيني يقول...

تقبل اله منا ومنكم صالح الأعمال أخي الدكتور
اللهم آمين

إيمان الحسيني يقول...

رضوى هانم
منورة والله :)
كل سنة وانتي طيبة
وربنا ما يجعلنا جار وله عنين
:P

يا مراكبي يقول...

حقيقي خبر بالنسبة لي جديد وغريب وأول مرة أتعرض له

لكن في نفس الوقت سعدت بإختيارك ده جدا وربنا يهدي بسببك ملايين إن شاء الله

وكل عام وأنتم بخير

إيمان الحسيني يقول...

سبحان الله
!!!

طب إيه الغريب في الخبر يا مراكبي ؟

تقبل الله منا ومنكم صالح الأعمال
ورمضان كريم
:)

radwa يقول...

طيب مش هبقى جارك اللى له عنين
بس ذاكرى كويس
عشان تذاكريلى فى التليفون
او ممكن نقضيها دروس خصوصية لحد اما ربنا يفرجها من عنده

إيمان الحسيني يقول...

الحصة بـ 100 جنيه علشان تبقي عارفة
:D

ربنا ييسرلك أمرك لكل خير يا رب
اللهم آمين

Unknown يقول...

و ما هو معهد الدعاة؟

إيمان الحسيني يقول...

ده موقع الجمعية الشرعية التابع ليها المعهد يا طارق
http://www.alshareyah.org/main/index.aspx

وباختصار هو معهد بيقبل جميع التخصصات ولحد الشهادات المتوسطة علشان يتعلموا دينهم ويكونوا دُعاة إلى الله على بينة
مش شرط الداعية إلى الله يكون له حلقة علم أو برنامج تليفزيوني
تكفي تعاملاته مع الناس ومعرفته بحدود الله
بس على حد علمي إن خريجي المعهد لا يصلحون لأن يكونوا من أهل الإفتاء لإن الفتوى ليها شروط وعلوم تانية لازم تتحقق الأول

والله المستعان