الخميس، أكتوبر 04، 2007

تاج من أخويا أحمد

جالي تاج من أخويا أحمد

لو قالولك اختار عصر من عصور مصر علشان تعيش فيه تختار أى ‏عصر و فى عهد أى حاكم .. واشمعنى؟
أختار أعيش في عصر الفتح الإسلامي ... علشان هتبقى الناس لسه بخيرها

أول ‏أولويه فى حياتك عيلتك ولا شغلك ولا أصحابك؟
ديني

إيه أكتر ‏حاجه بتحبها في رمضان؟
قيام الليل

اوصف ليا ‏أجمل فطار ممكن تفطره
الفطار إللي يبقى فيه لمّه وصحبة حلوة

لو أنت ‏حاكم على مجموعه من الأفراد هتكون عادل؟؟ طب هتعمل إيه عشان تتأكد إنك حاكم ‏عادل؟
لإن كل ابن آدم خطاء فأنا باهرب من أي موقع يكون ليا فيه سُلطة على الغير

اللى بيبوظ الحكام .. نفسهم؟ ولا الشعب؟ ‏ولا الحاشيه المقربه؟
الحاشية المقربة

مين ‏أكتر إعلامي مصري بتحترمه؟
علاء بسيوني

قريت ديوان عمر مصطفى صاحب بلوج تجربه " أسباب وجيهه للفرح" ‏عن دار ملامح و لا لسه ؟؟
مع احترامي لعُمر مصطفى لكن أنا أول مرة أسمع اسمه

لو ‏ممكن تشتغل شغلانه تانيه غير اللى انت بتشتغلها او كنت بتشتغلها كنت تتمنى تبقى ‏ايه؟
صحفية

ايه تانى بلد تتمنى تعيش فيها بعد ‏مصر؟
الإمارات ... وبالتحديد إمارة الشارقة

اوصف ليا ‏ترتيبات أجمل فرح ممكن تحضره
شيلت الموضوع ده من دماغي

بتراعي ‏كلام الناس والقيل والقال؟ لو اه او لو لا قول لى ‏ليه؟
أكيد كلام الناس ليه تأثير كبير على الأشخاص بس لما يكون كلام مليان مش فارغ

صحيت من النوم ما لقيتش الموبايل ولا الكمبيوتر ولا ‏الكاميرا الديجيتال ولقيتنا ‏رجعنا لعصر الحمام الزاجل والحصنه هتكون سعيد؟
أكيد طبعا لإني وقتها هاحس بالخصوصية إللي بادور عليها من زمان

السعاده ‏هى؟
الرضا بقضاء الله

عندك أمل ‏؟؟ أسبابك
أكيد لأ .. لأن الله لا يغير ما بقوم حتى يغيروا ما بأنفسهم

لما تحب ‏تهرب من كل شئ بتروح فين؟
مسجد يوسف الصحابي في ميدان الحجاز ، أو أدخل أوضتي وأقفل على نفسي

امتى ‏أول مره خدت فيها نفس طويل كده وقلت بينك وبين نفسك يااااه الظاهر انا فعلا ‏كبرت؟
كل يوم الصبح بأقولها لنفسي وأنا نازلة رايحة الشغل

لما ‏بتعمل عمل خيرى بيكون ايه هو دافعك الاول؟
إن ربنا يسترني في الدنيا والآخرة

بتشرب ‏سجاير؟ لو الاجابه اه ايه شعورك لو شفت ست بتشرب سجاير؟ وليه ‏؟
الحمد لله مش باشرب سجاير وحكمي واحد على إللي بيشرب سجاير سواء كان رجل أو امرأة

بتعرف ‏ايدك اليمين من الشمال ازاي؟
قاطعة صباع من إيدي اليمين علشان أميزها عن الشمال

ايه اكتر ‏اله موسيقيه بتحبها ؟ ؟
الأوكورديون ... رفيق سنين دراستي المدرسية

فى رأيك ليه الذوق والنخوه ‏اتعدموا؟
علشان الناس بقيت عايشة بمبدئين اتنين :
الأول : أنا ومن بعدي الطوفان
الثاني : ما لله لله ، وما لقيصر لقيصر

ايه ‏الحاجه اللى لو حصلتلك تبقى سعيد قوى؟؟؟
أطلع عمرة

تختار ‏يبقى عندك...أرض زراعيه ولا أجنس عربيات و لا كام عماره و لا فلوس فى ‏البنك؟؟؟؟
فلوس في البنك

البحر و ‏لا النيل؟؟؟
البحر بكل تأكيد

مركب و ‏لا طياره؟؟
مركب

مجنون و لا ‏عاقل؟؟
الله أعلى وأعلم

تقرأ ‏كتاب و لا تتفرج عليه فيلم؟
أقرأ الكتاب الأول بعدين أتفرج على الفيلم وأنقده

أمررة لمين ؟
لكل من يقرؤه

هناك 5 تعليقات:

اسكندراني اوي يقول...

اه ياني من التاجات
تاج لذيذ والردود جميله
كل التحيه

ام البنات يقول...

ربنا يبارك فى عمرك يا طعمه ويرضى عنك ويرزقك كل الخير يا جميله

طـعـمـة يقول...

جزاك الله كل خير يا إسكندراني


منورة يا أم البنات
ربنا يكرمك ويعزك يا رب
اللهم آمين

radwa يقول...

منوره يا ايمو
كل سنه وانتى طيبه
لازم تعممى وتقولى امرر التاج لكل اللى يقراه

طـعـمـة يقول...

مافيش طريقة تانية أجيبكم بيها
:P