الاثنين، مارس 10، 2008

مجرد إنسان

موقف صعب بيتعرض ليه آلاف البشر كل يوم وكل ساعة
والحمد لله على كل حال أنا واحدة من آلاف البشر دول
وإللي بيجمعنا صفة مشتركة الناس وصمونا بيها لمجرد إننا تفوقنا في مراحل الدراسة أو قدرنا نعتمد على نفسنا من لحظات الصغر بالمقارنة بإللي في نَفس أعمارنا
للأسف لما بنشوف طفل ذكي أو متفوق دراسيا أو قادر على الابتكار والاعتماد على نفسه بنتخيل ونتوهم بإنه أصبح قادر على مواجهة الحياة لوحده وإنه من الصعب جدا عليه إنه يُخطيء
وبيكبر الطفل ده وهو حاسس إنه شايل مسئولية كبيرة قوي ... أكبر من عمره النَفسي والبيولوجي
ممكن يكون قدها فعلا
لكن من وقت للتاني بيبقى محتاج يحس إنه مجرد بشر عادي
ممكن يُخطيء ... أو بمعنى أصح أكيد هيُخطيء
المشكلة بتبقى في رد فعل الناس حواليه
الكل باصصله بعين الكمال ... وهو مجرد بشر مخلوق من طين
الكل بيشوف إن الشخص ده مش محتاج نصيحة حد ومش محتاج طبطبة من حد ومش محتاج مساعدة من حد ومش من المفروض إنه يصدر منه خطأ !!!
صدقوني ... ممكن قوي الإنسان ده يرفض مساعدة اتعرضت عليه لكن من جواه بيبقى سعيد جدا إن في حد أخد باله من إنه مجرد بشر بيعتريه النقصان
يمكن يكون كلامي ملخبط
بس نفسي أقول لكل الناس : مافيش إنسان كامل ومافيش إنسان يقدر يعيش لوحده
حاولوا تحسوا بالإنسان المتفوق في دراسته وعمله
لإنه بيبقى محتاج لأي إيد تتمدله وتحسسه بإنه مجرد إنسان

هناك 23 تعليقًا:

Unknown يقول...

فعلا والله
احنا مش حاسين حتى ان احنا
إنسان

إيمان الحسيني يقول...

للأسف يا أخي الكريم
ناس كتيرة من إللي أنا بتلكم عنهم بيجي عليهم وقت وبينهاروا
والانهيار ليه أشكار كتيرة قوي
انهيار أعصاب
اكتئاب
انفجار عصبي
وحدة واعتزال للناس
أو السبيل الآخر لإثبات الإنسانية فيه
الانحراف
نسأل الله العفو والعافية

نورت مدونتي يا أخي الكريم أنا إنسان

صيد الخاطر يقول...

والله يا استاذةطعمة معاكي حق

يمكن انتي لخصتي شعور جوايا من زمان نفسي اعبر عنه
بس مش عارف
أحيانا بحس اني عاوز ابقى شاب زي بقية الشباب - طبعا في حدود الشرع -

العادة معي مثلا
ان كنت موجود في قعدة فلازم انا اللي اوجه الكلام للناس وادير الحوار من بعيد لبعيد

بس لواحد أحيانا بيحس انه محتاج انه يكون شخص عدي مش اكتر

رفقة عمر يقول...

عندك حق الانسان مهما اوتى من قوة ومهارة محتاج ليد تحنو ايه وتطبطب عليه
وللاسف عزة نفسه بتمنعه من انه يطلب دة

إيمان الحسيني يقول...

أحساس سيء يا أخي الكريم إنك تلاقي الناس دايما معتمدة عليك في كل كبيرة وصغيرة
لكن لما تحتاج لحد فيهم مش بتقدر تطلب لإنك عارف إنهم هيبصوا باستغراب
وفي النهاية هتفضل وحيد
الله المستعان

إيمان الحسيني يقول...

المشكلة يا رفقة عُمر إن الناس بتستغرب لما بيظهر منك أي علامة ضعف
وكإن الإنسان القوي الناجح ده مُحرم عليه إنه يضعف أو يحزن أو يكتئب أو حتى يبكي

محمد يقول...

يقال أن سبب تسمية الإنسان إنسانا أنه يأنس بغيره .. أي أن كل من يدخل في جنس الإنسان يحتاجون لأن يأنسوا بغيرهم .. وأنت وأنا وكلنا منهم سواء كنت متفوقة أو غير ذلك , وسواء كنت اجتماعية أو انطوائية , وسواء كنت رجل أو امرأة .. الجميع يحتاج لمن يآنسه ..

محمد يقول...

بالمناسبة .. جزاك الله خيرا على إضافة الموضوع لإفحت .. أتعبت نفسك .. والموضوع لا يستحق ..
:)

الطائر الحزين يقول...

حاسس وفاهم كل حرف مما كتبت

اعانك الله

دوما اقول نحتاج الى فترة نكون مسئولين من وليس دوما مسئولين عن


تحياتى

انكسارات .. احمد البوهى يقول...

لفته متميزة اعتقد انها خرجت من واقع خبرة واحساس بالاخر .. معاكى حق جدااا
ـــ
اكرمك الله

إيمان الحسيني يقول...

جزاك الله خير الجزاء أخي الكريم وضاح
وكلنا يعلم أن الله خلقنا لنكون في جماعة وليس منفردين

بالنسبة لموضوع حضرتك
صدقني موضوعك يستحق بإذن الله تعالى
بس أنت إللي مش واخد بالك
:))

إيمان الحسيني يقول...

المشكلة يا أخي الطائر الحزين إن حضرتك لما بتقول كده الكل بيستنكر ده منك وبيبقى شايف إنك عاوز تتهرب من المسئولية وبس
الله المستعان

إيمان الحسيني يقول...

جزاك الله كل خير أخي الكريم إنكسارات
وأدعو الله أن يشعر بعضنا ببعض حتى لا نتسبب في إنكسارات نفسية للبعض

شهيدة يقول...

سبحان الله دا فعلا بيحصل معايا كتييير ...

لكن دائما نراعي الجو ونظره الناس او حتى فهم الناس وثقافتهم ومسؤوليتنا اتجاههم .. فتنصرف وكأننا ملاك . ومين في الدنيا ملك ...

Jana يقول...

نعمة من الخالق طبعا على اى انسان ان يستطيع التحكم فى اظهار نقاط قوته قبل ضعفه
لكن لا بأس ابدا من اظهاره أوجه ضعفه دائما للمقربين له...
فيجد كتفا ليبكى عليه من حين لأخر..فيستمد منهم قوته مرة أخرى...ويظهر للباقين قويا مرنا فيحدث بنعمة ربه عليه..ويعود ليأخذ هو الأخر بأيدى آخرين
فالمؤمن للمؤمن كالبنيان يشد بعضه بعضا
وما جعله الله متميزا الا لحكمة

فقط عليه ان يختار بعناية أكتاف من سيلقى عليهم همه وضعفه

تحياتى طعمة الجميلة

إيمان الحسيني يقول...

جزاكِ الله كل خير يا شهيدة
ومُراعاة الناس شيء جميل
لكن مايكونش على حساب أعصابنا

إيمان الحسيني يقول...

جزاكِ الله خير الجزاء يا جنى
ونِعم الخالق علينا لا تُعد ولا تُحصى
البكاء والإحساس بالضعف والعجز أحيانا بيكونوا نعمة كبيرة قوي
لإنهم بيعرفونا قد إيه إحنا محتاجين الآخرين

a Dreamer with feet on the Floor يقول...

Dear..It is so smart that U write about this issue..
as most of the people ...like 2 see what they want in the Person not what he really is..
and being smart and clever in one side in life does not mean that we have a superman...
but each have his own weakness points .

إيمان الحسيني يقول...

جزاك الله خير الجزاء أخي الحالم
وفعلا مشكلتنا إننا بنبروز الإنسان في طبع مُحدد على مزاجنا إحنا وبس
وبنرفض منه أي طبع تاني

ميرا ( وومن ) يقول...

لقد شعرت بكل كلمة كتبتها وأعرف تماما ما تشعر به أحيانا أدفع نفسي للخطأ لكى أحس انى مجرد بشر وأخطئ

ميرا ( وومن ) يقول...

شعرت بكل كلمة كتبتها وتفهمت مشاعرك تماما فأنا من هؤلاء الناس أحيانا أخطئ عند عمد لكي اقول انى أنساااااااان واخطئ

ميرا ( وومن ) يقول...

كانت هذه اول تعليقاتى علي مدونتك الكريمة ويارت تزوري مدوني لإبداء الرأي http://emra2abe3aklrago.blogspot.com/
والسماح لي بنشر مدونتك علي مدونتي

إيمان الحسيني يقول...

ويا ليت الناس تفهم أننا مجرد بشر
منورة مدونتي يا وومن