الخميس، مايو 15، 2008

رحمك الله يا بابا سعد




السلام عليكم ورحمة الله وبركاته
يوم الثلاثاء إللي فات تُوفي الشيخ سعد العبد الله السالم الصباح عليه رحمة الله
في زمن حُكم الشيخ جابر الأحمد الصباح كان الشيخ سعد ولي العهد
ومنعته ظروفه الصحية عن تولي الحكم بعد وفاة الشيخ جابر
أنا كنت من ضمن الجيل المصري إللي اتولد واتربى هناك خلال الفترة دي
وغنيت مع الكويتين في المدارس والحفلات :
يعيش يعيش بابا جابر ... يعيش يعيش بابا سعد
ولما رجعت مصر مع أهلي كنت حاسة بغُربة فظيعة ربنا وحده إللي عالم بيها
يوم وفاة الشيخ جابر بكيت لإني شوفت خير كتير في أيامه
ويوم وفاة الشيخ سعد بكيت أكتر لإني حسيت إن خلاص ... علاقتي ببلدي الكويت انقطعت
البقاء لله يا شعب الكويت
عظّم الله أجركم وأجرنا
ورحمك الله يا بابا سعد

هناك 7 تعليقات:

A.SAMIR يقول...

من النادر ان حد يكون مرتبط بالبلد الخليجي اللي كان عايش فيها
ومن الندرة اكثر ان يرتبط بحكامها
رحم الله الجميع
تحياتي

اسكندراني اوي يقول...

رحم الله موتانا وموتى المسلمين

اصيله والله يا سيدتي

fahd يقول...

اعتقد ان دي تاني تدوينة مصرية تكلمت عنه يرحمه الله

انا كتير سعدت بذلك

طبعا انا لم اعرفه ولكن ان توجد شخصية عربية كانت في الحكم تحظي بكل هذا الاهتمام والحب فهذا شيء عجيب

فليرحمه الله ويرحمنا من الذين لم يكونوا مثلة

الربان يقول...

تحياتي

رحم الله الفقيد...و اسكنه فسيح جناته
كان للمصريين ابا و لمصر محبا...
ما تسألين مصريا كان بالكويت الشقيقة
الا و قال كلمة الحق في حق الفقيد.

بعد الزلزال في مصر...بني مساجد و مدارس حبا في مصر.

اللهم ارحمه و عافه و اعف عنه...و اسكنه فسيح جناتك...

و خالص التعازي لشعب و اهل الكويت.

تحياتي

Jana يقول...

صراحة لم اكن اعرف عنه الكثير
فقط دعوت له بالرحمة عندما سمعت خبر وفاته كأى شخص آخر
لكنى ادركت الان انه يستحق اكثر من ذلك بعد ما عرفته من تدوينتك ومن تعليق الاخ الفاضل الربان
رحمه الله وأسكنه فسيح جناته ..ورحم اموات المسلمين
وجزاكى خيرا على وفائك
ياريت يا ايمان ..تجاوبى على التاج فى اول فرصة تتاح لكى..تهمنى معرفة اجاباتك فعلا
تحياتى ومودتى ..اختى العزيزة

بوهم نفسى انى عايش يقول...

طالما راجل محترم يبقى اللهم ارحمه واغفر له
بس

والله العظيم ما حعيط لو مات اللى فى بالى هو او العائلة الكريمة كلها بالعكس حوزع عصير على الشباب

ياسر سليم يقول...

ربنا يرحمه يارب

بس سبحان الله .. استغربت من انك حسيتى بالغربة فى مصر .. ممكن يكون ده لأنك مثلا قضيتوا فترة كبيرة بعدة عن مصر ..

انا مستنى اليوم اللى انزل فيه مصر