الجمعة، مايو 23، 2008

تاج صعب

تاج صعب من الأخت جنى ... الله المستعان


أذكر خمسة أحلام على الأقل تخص ماضيك وتحلم فيها بتغيير أشياء ، ماذا ستعدل وماذا ستترك ؟
خمس أحلام كتير قوي ... مش لاقية
الحلم الأول : إني أدخل كلية سياسة واقتصاد وأسافر وألف الدنيا
الحلم الثاني : أبقى شخصية ذات تأثير في المجتمع
الحلم الثالث : أن أمتلك عربية فولكس بيتلز :)
الحمد لله رب العالمين ولا حلم منهم اتحقق لحد دلوقتي

أذكر خمسة أحلام على الأقل تخص مستقبلك ؟
الحلم الأول : أبقى أم وأربي أبنائي تربية إسلامية صحيحة (دين + دنيا)
الحلم الثاني : إني أطلع عُمرة (تخيلوا إن بالنسبالي ده حلم صعب المنال)
الحلم الثالث : إني أموت شهيدة في سبيل الله

أذكر شخصين على الأقل متواجدين فى حياتك حاليا كنت تود وجودهم قبل الآن بزمن ؟
الشخص الأول : المهندسة إبتسام ... مهندسة كبيرة في الشغل معايا وباحس إنها أختي الكبيرة ، باستشيرها في كل كبيرة وصغيرة وباحس إنها فاهماني قوي
الشخص الثاني : شيرين ... مهندسة من سني في الشغل كانت أحد الأسباب الرئيسية إللي خلتني أعود إلى الله

أذكر شخصين على الأقل غير متواجدين فى حياتك حاليا كنت تود وجودهم الآن أو فى حياة أولادك مستقبلا ؟
الشخص الأول : الأستاذة زينب .. كانت بتدرسني اللغة العربية والتربية دينية في سنة تانية إعدادي
الشخص الثاني : الأستاذة سهير ... كانت بتدرسني في إعدادي برضه وكانت أول شخص يحسسني بأهمية نفسي

هناك 8 تعليقات:

حاول تفتكرنى يقول...

أجمل شىء فى الاحلام التي لم تتحقق أننا دائما نتذكرها

تحياتي

مـحـمـد مـفـيـد يقول...

احيكي علي هذه الفضفضه

Jana يقول...

السلام عليكم طعمة الجميلة
بصى ..انا عمرى ما كنت ماهرة فى التحليل النفسى ..على العكس ..انا معظم انطباعاتى الاولى عن الناس بتطلع غلط ... لكنى احيانا بأصيب فى احساسى
خلى بالك احساسك بحد بيكون بقلبك ..اما انطباعك دى استنتاجات عقلية ..
وفى عالمنا الافتراضى ده ..احساسك بالناس هو مقياسك فى الحكم عليهم وليس انطباعك.. على الاقل بالنسبة لى
المهم بعد الرغى ده
انا يا ايمان حاساكى احلى وأجمل بكتير من اللى فى بالى
احلامك تبدو للوهلة الاولى ...صغيرة ..بسيطة ..قليلة ..حتى انك مكملتيش العدد المطلوب
لكن بعد التدقيق لقيت انك جبتى من الاخر
يعنى حلمك الواحد ممكن يتفك ب 3 او 4 احلام
حلم بسيط ...لكنه عظيم
حمدك لله سبق كلامك عن عدم تحقيق بعض احلامك ... ولعله خيرا
لى صديقة كان حلم حياتها العربية الفوليكس زيك بالظبط ..ولما جابتها بطلنا نركب معاها ..ههههههه شفتى انه خير ..
احلامك المستقبلية مشروعة
وان شاء الله يتحقق منها ما يحمل لكى الخير ..

وبتمنى العمرة بالقلب والنية الصادقة دى ..ان شاء الله حيوفقك فى عملها قريبا
الشهادة حلم عظيم ..حلم المؤمن

عجبنى وفائك لمعلماتك .. مش باشوفه كتير

الدين والدنيا ... أدعو الله ان يثبتك ويزيد من ايمانك ..ويقدر لكى الخير ..ويرضيك به ..ويرزقك صلاح الدين والدنيا والعفو الكريم فى الآخرة

جزيل الشكر على اجابتك التاج

تحياتى ومودتى الخالصة ايمان الجميلة

إيمان الحسيني يقول...

بالعكس يا أخي الكريم حاول تفتكرني
أسوء شيء في أحلامنا إللي ماتحققتش إننا كل ما بنفتكرها بنعيشها من جديد ونحس بالحزن على ضياعها مننا
والحمد لله على كل حال

إيمان الحسيني يقول...

جزاك الله كل خير أخي محمد مفيد

إيمان الحسيني يقول...

أختي الحبيبة جنى
أسئلة التاج رجعتني لزمن جميل باحاول أنساه لإني مش قادرة أرجعله تاني
فكرتني بناس كان ليهم أثر جميل في حياتي
فكرتني قد إيه كنا أيام المدرسة أبرياء أقصى همومنا إننا نذاكر وننجح ونجيب مجموع في الثانوية العامة

جزاكِ الله خير الجزاء يا أختي الحبيبة

ma_3alina يقول...

أخيرا لقيت حد بيحب العربية الفولكس البيتلز .. احمدك يااارب

:)

ادعوا الله من كل قلبي أن يحقق لك جميع أمانيكي وأحلامك ويرزقك العمرة المقبولة مع زوجك بإذن الله

على فكرة كنت ممن مرر لحضرتك التاج دا .. والحمد لله انه وصل على أي حال

:)

إيمان الحسيني يقول...

الفولكس بيتلز كانت حلمي وأنا صغيرة يا ما علينا
ماعتقدش إنها كبرت معايا
:)

الحمد لله إني جاوبت على التاج وأرضيت جميع الأطراف :)