السبت، يوليو 05، 2008

الوجه الآخر للحياة

أغلب الناس ليهم وجهين بيعيشوا بيهم
مش قصدي إنهم منافقين
أقصد إن ليهم وجه بيحاربوا بيه الحياة
ووجه آخر للاستمتاع بالحياة
مؤخرا اكتشفت إني باعيش الحياة بوجه واحد فقط
وجه الكَبَد والمُعاناة
والحمد لله على كل حال

هناك 15 تعليقًا:

سمر الشافعى يقول...

يارب يارب يجى اليوم وتعيشى بالوجه التانى وتدوقى طعم السعاده والهنا خلى عندك امل فالله

ام البنات يقول...

إيمان
نسيتى انك بتستمتعى بدينك يا حبيبتى
الحمد لله الابتلاءلم يكن فى الدين
الم تستمتعى..بوجودك فى معهد الدعاة
الم تستمتعى..وأنت تقرأى قرآن
اكثر شئ سعيد به فى حياتى القرآن الكريم
إيمان
حبيبتى....كلنا نكابد..وما هى الا سنوات..وينتهى هذا ونسأل الله ان يكون
لنا حظا" فى الآخرة إن شاء الله
هو الصيف يدعو للاكتئاب خاصة لمن يعمل
حبيبتى الغاليه
حنانيك على نفسك..فأنت فى نعمه
عندك عقل..وعندك إرادة
غيرك لا يملكها
وهذا يكفيك
وايضا حب من يعرفك
احبك فى الله

المهـ إلي الله ـاجر يقول...

المسألة مسألة توازن في النظر للأمور فقط يا اختي الفاضلة .. مزيد من التوسط والإعتدال في التعامل مع معطيات الحياة سيعطيها البعدين معا ولن يجعل واحدا يطغي علي الأخر

اسأل اله أن يوفقك ويثبتك علي طاعته

مـحـمـد مـفـيـد يقول...

السلام عليكم
اختي
هناك اناس قد يستنفذوا نعيمهم في الدنيا
وهناك اناس اختصهم الله بالابتلاءات حتي يعرف قدر ايمانه
اللهم ثبتك وجعل كل معاناتك في ميزان حسناتك

رفقة عمر يقول...

ارجوكى مش تقولى كدة
نحمد الله على الصحه نحمد الله اننا نجد الماوى والماكل نحمد الله اننا لنا عائله تهتم بنا
نحمد الله على وجود الله الذى هو بيده امرنا
نحمد الله اننا مسلمين
نحمد الله على نعمه الالتزام
نحمد الله على نعمه العلم
وان تعدوا نعمه الله لا تحصوها
كل دة ولسه برضه نعيش بوجه واحد
الابتلاء فى حد ذاته نعمه لانه بيخلينا نقول ياااااااااااارب من قلبنا
اسال الله لكى ان يفرج الله كربك وييسر لك امرك ويجعل لك من كل ضيقا مخرجا ومن كل هما فرجا اللهم امين يارب العالمين

إيمان الحسيني يقول...

جزاكم الله خير الجزاء جميعا
أنا مش قصدي التذمر أو الشكوى
الحمد لله على كل حال
أنا فعلا اكتشفت ده مؤخرا
إن مافيش أي جانب ترفيهي في حياتي
من البيت للشغل ومن الشغل للبيت
وفي البيت قاعدة على الكمبيوتر أو بأقضي مشاوير للبيت
حسيت إني اتحولت وبقيت إنسانة تانية غير إللي كنتها من حوالي 8 سنين
حسيت إني نسيت إ.اي استمتع بوقتي
حسيت إني كبرت قوي
الله المستعان

اللؤلؤة يقول...

إيمان
وحشتيني جداً..اوعي تكوني نسيتيني !
بجد بحبك وبحب شخصيتك جدا
أحسبكِ على خير...

بالنسبة لحياتك
لو عندك عزم للتغيير...والتجديد
مع استعانتك بالله...هتقدري
متستسلميش للروتين اليومي
حاولي تغيري..هتحسي بطعم مختلف ليومك...
اشتركي في اي نشاط...نمي اي هواية...اخرجي ... زودي طاعاتك...
حاجات كتير بإذن الله هتخرجك من الجو ده..
ولا تنظري للنصف الفارغ من الكوب
فلو خفضتي رأسك قليلا ...سترين النصف المليان...


وكما قالت حبيبة قلبي ام البنات
انتي في نعمة....
نعمة العقل ماشاء الله ونعمة حب من حولك لك...

بوركتِ غاليتي

رفقة عمر يقول...

الحمدلله انها جات على قد كدة
ربنا يعينك اللهم امين ورزقك الله بالزوج الصالح الذى يعاونك فى كل هذا وتجدى معه سعادتك التى تامليها اللهم امين يارب العالمين

ام البنات يقول...

ايمان يا حبيبتى
ستذكرى هذه الايام وتتحسرى عليها
لانه بالاضافه لما سبق
سيكون الآتى
الطبيخ..وغالبا" بيكون مش متقن علشان
هانزل جى اودى الاطفال ..النادى..الدكتورة..المدرسة( المعلمة)
الزيارات العائليه..وما يسبقبها من تحضير وما يليها من تنظيف
التنظيف لعدم وجود شغالات
على قد مستوانا..تطلب الآن 50 جنيه فى اليوم..وبتجيب اللى يساعدها
المشاوير اليوميه
ايمان
استمتعى دلوقت
انا مش عاوزة ااقولك ايه اللى بيكون فى بداية الانجاب..لو شفتى النوم
ابقى تعالى قولى لى يا أم البنات..يا
صادقه

اللى مش عاجب حضرتك يا حبيبة قلبى دلوقت
هتتمنيه ..وهتترحمى عليه
استمتعى بالمتاح الآن.زقبل ان يقضى عليه بالضربة القاضيه
ااقصد بالجواز والاطفال

محمد عبد المنعم يقول...

كنت منتظر رد حضرتك ... و ما زلت، أما بالنسبة لموضوع الجانب الترفيهي:

أنا أرى أن ...
الإنترنت ممكن يكون فيه ترفيه.
التلفزيون ممكن يكون فيه ترفيه.
حديقة الديناصورات الجزء الأول والثاني ممكن يكون فيهم ترفيه :).
بل إن صلة الرحم و زيارة الأصدقاء و الأخوة في الله ممكن يكون فيها ترفيه.

و كمان إحنا في الصيف، ممكن حضرتك تيجي عندنا هنا في إسكندرية مع العائلة الكريمة، و تبقى فرصة عظيمة زوجتي تتعرف عليك، نفسها تعمل كدا من زمان ... و عزومة سمك للعائلة الكريمة كلها ... لو جيتوا أول الشهر :) طبعا بهزر تشرفوا في أي وقت!

الإسكندرية المتنزهات و الأماكن المفتوحة فيها أكتر و أحسن من القاهرة، فالتنزه و السفر و السياحة ممكن يكون فيهم ترفيه.

ربنا يبارك في حضرتك.

إيمان الحسيني يقول...

جزاكم الله خير الجزاء جميعا
بس والله العظيم وربنا إللي شاهد عليا إني ماكونتش باتكلم عن الجواز ومش عارفة إيه إللي جاب سيرته في الموضوع
!!!!

ام البنات يقول...

إيمان
مقصدتش الجواز
أنا أقصد انك عندك وقت دلوقت
بعدين وقت ما يشاء الله تتزوجى يستتحسرى على هذا الوقت
فقط تنبيه
وإياك متقوليش محدش حذرنى

امنية يقول...

السلام عليكم

طعمه ازيك.؟
وحشتينى

اسعد الله ايامك فى الدارين
ربنا يحبك :)

_
ياريت تمرى على مدونتى..ضرورى

radwa يقول...

وحشانى يا حجه جدا

وش هيفرقع منك من الغيظ

a Dreamer with feet on the Floor يقول...

How R U .. thx so much , asking 4 me...I am frustrated,,and reached the Result that( Mafeesh fayda)

we r passing so fast twards the worst.
take care...Rabina Yehfazek