السبت، يناير 24، 2009

هو أنا إيمان ؟

ورجعتيلي يا وحدة
بعد ما هربت منك
رجعتيلي بكل قسوة
ومش قادرة أصُدك
فيكي مصلحتي ؟
يمكن !!!
بس كفاية إنك
سرقتي عمري مني
وبقيت أضعف منك

ضعفي كان سر خوفي
قتل في جوفي حروفي
وبصيت على مدى شوفي
لقيت في السجن أمان

سجّان مالوش ملامح
عارف مين جاي ورايح
مش فاهم معنى التسامح
ومات على إيده الحنان

محتارة أخرج ولا
أفضل في سجني أولى
ينفرج همي جوا
ما القلب مات من زمان

تعبانة ليه يا عيني ؟
الضي مش جاي تاني
سكن الصمت لساني
وعجّزت قبل الأوان

الحكاية مش جديدة
بس الأحلام عنيدة
نفسي في ضلاية بعيدة
تريحني قبل الأوان

يمكن أرتاح يا وحدة
ويمكن في يوم ...
أرجع إيمان

هناك 7 تعليقات:

وشوشات يقول...

يا بنتي ما توجعيش قلبي عليكي.

إيمان.. إرحعي إيمان من فضلك.. إرجعي لنفسك أولا.. و بعدين إرجعي لنا إيمان بتاعة زمان.

well يقول...

الوحدة .. هى الصديقة التى دائما ابعد عنها .. ولكنها لا تبعد عنى

الطائر الحزين يقول...

استعينى بالله
خفف الله عنك وعنا وعن كل المسلمين
لو رأيت ان الوحدة لك أفضل فافعلى

~ أنين ~ يقول...

طعمتى
هوا انت ايمان
طب هوا انا سندس
يبدو انها حالة عامة:(

طعمتى
استعينى بالله
توكلى عليه
وفوضى أمرك لله

وثقى ان الله لن يضيعك

بحبك
دعواتك

son's egypt يقول...

السلام عليكم
الخروج من الوحدة هو افضل شئ لقتل الهموم والحيرة لدي الانسان

رفقة عمر يقول...

طعمه كلنا بنمر كتير باللى بتمرى بيه بس كله بيعدى وبيتنسى
تذكرى ايامك السعيدة واعلمى انها ممكن تعود
وعندما تكونى سعيدة تذكرى ايام الحزن حتى تستمتعى بايام السعادة وتحسين الفرق
اسال الله ان لا يطيل عليكى فترة الحزن وان يفرج كربك ويرزقك سعادة الدارين
اللهم امين يارب العالمين

محمد عبد المنعم يقول...

مش عايزة تساعدي نفسك...

أنا آسف إني بقول الكلام دا...

لكن الذي يقنط من رحمة الله و ييأس من رَوح الله و يفقد الثقة في عطاء الله و يترك نفسه للشيطان و نزغه و نفثه و همزه و نفخه ...

من يفعل ذلك بنفسه يبدو أنه لا يريد أن يساعد نفسه...

معرفة الله على الحقيقة أفعال و أقوال و أحوال ...

و المسلم يعرف حقيقة الدين و حقيقة الدنيا و ما يستلزمه ذلك من صبر على الطاعة و عن المعصية و على الابتلاء.

أنا بأمانة متضايق...!