الأحد، فبراير 08، 2009

محتاجة ...

محتاجة أضحك
محتاجة أبكي
محتاجة أكون إنسان
*****
محتاجة أشكي
محتاجة أجري
محتاجة بيت وأمان
*****
محتاجة حاجة
مش أي حاجة
لون من الألوان
*****
أسود أبيض
أحمر أزرق
بس المهم حنان
*****
محتاجة أنسى
محتاجة ذكرى
إنساني يا حرمان
*****
محتاجة لمسة
محتاجة همسة
محتاجة أرجع زمان
*****
محتاجة لعبة
بضفيرة شقرا
محتاجة أغير مكان
*****
محتاجة اسمي
يكون في رسمي
محتاجة أكون إيمان
---------------------------
إيمان الحسيني
7/فبراير/2009م

هناك 12 تعليقًا:

الطائر الحزين يقول...

ستفعلى ان شاء الله

Jana يقول...

اسمك فى رسمك طوال الوقت يا ايمان
لكنها لحظات الضعف التى تجتاحنا احيانا
منا من يخرج منها مهزوما ...فيحول ابتلائه الى عقاب
ومنا من يخرج منها راضيا صابرا فمنتصرا على ابتلائه ..فيحوله الى ثواب ..
وإن كان ينتظرك فى الدنيا او فى الآخرة فهو فى الحالتين خير الجزاء

إيمان الحسيني يقول...

الطائر الحزين
مافتكرش يا أخي الكريم


Jana
لحظات ضعفي كترت ووصلت لمرحلة اليأس خلاص

يا مراكبي يقول...

أنا غيبت شوية آجي ألاقيكي كده؟

خير إيه اللي حصل؟

ده إنتي كنتي دايما قوية ومتفائلة ومتماسكة

إجمدي كده

إيمان الحسيني يقول...

ربنا يكرمك يا مراكبي
ادعيلي
لإني مابقيتش عارفة أدعي لنفسي

وردة فرح يقول...

مشاعر قاسيه
نشعر بها من حين الى آخر


ابدعتي في التعبير عنها
و دمتب بود

إيمان الحسيني يقول...

جزاكِ الله كل خير يا إنسانة
:)

لجين أبو الدهب يقول...

أحيانا بتمر فترات على الانسان فى حياته ..

يتمنى ان يكون هو ..

او كما كان هو فى السابق ..

وهو مفعم بالحيوية والأمل .. لا يقنط ابدا من غد ..

ستصلِ ياايمان ذات يوم إن شاء الله ..

وتذكرِ هذا فى عقلك دائما ..

تقبلِ مرورى ..

دُمتِ بخير ..

إيمان الحسيني يقول...

ما بقاش فيه أحلام خلاص
كله بقى مجرد أوهام
حتى المدونة دي
احتمال كبير ألغيها
عن قريب

أخـت فـى الله يقول...

إيمـــــان بحب اوى الاسم دة
عارفة ليه
لان دة اللى حندخل بيه الجنة
دة اللى بيسعدنا فى الدنيا
دة اللى بيرحنا ويطمنا
دة اللى بيخلينا فى اصعب حالاتنا متماسكين
لاننا بالايمان نعيش
وللايمان نصبو
وبالايمان نصل ان شاء الله
بيقولو ان لكل انسان نصيب من اسمه
وانا متأكدة انك اخدتى نصيب كبير ان شاء الله
يا إيمــــان :)

إيمان الحسيني يقول...

جزاكِ الله كل خير يا شيماء

قلوب يقول...

عفيه شيماء