* التصميم ده كنت عملته لما تم إعلان براءة ممدوح إسماعيل صاحب العبارة السلام 98 ، شايفة إن ده وقته علشان يتحط تاني ، كرامتنا مُهانة داخل الدولة وخارجها ، وكل إللي بتعمله الفضائيات مجرد تنفيس لحالة الغضب وخلاص على كده ، يومين تلاتة والناس هاتستمر في حياتها بكرامة مُهانة كالعادة .
* في شريط أخبار قناة الفراعين خبر عن إن فتح وحماس مسكوا في خناق بعض علشان نتيجة المبارة ، فتح بتشجع مصر وحماس بتشجع الجزائر ، فتح حرقت علم الجزائر وحماس حرقت علم مصر ... ده إللي انتوا فالحين فيه .
* جملة قالتها صديقة عزيزة في أحد المنتديات من كام سنة : لو لم أكن مصريا ... لحمدتُ الله كثيرا .
-----------------------------------
* تحديث (1) :
على قناة العربية صحفي جزائري بيقول إن الرئيس بوتفليقة بيُعيد النظر حاليا في العلاقات الجزائرية المصرية نتيجة للي حصل للجزائريين في مصر ، وإنه قبل الماتش طلب من الفيفا نقل مباراة القاهرة إلى أي بلد تانية خوفا على الجزائريين ، لكن الرئيس مُبارك اتصل بيه شخصيا وطلب منه إن المباراة تفضل في القاهرة .
هناك 5 تعليقات:
اول ازمة تحصل والنظام يتصرف تصرف يحفظ حقنا
مش معاكى ابدا المرة دى
مع احترامي الشديد لحضرتك
بس تصرف إيه ؟!!!!
أنا لحد دلوقتي ماسمعتش أي تصريح رسمي من الحكومة
حتى لما سحبوا السفير ذيلوا الخبر بإنه سحب للتشاور فقط
تصميم جميل ومعبر فى حاله حادث العباره
لكن فى الظروف دى ونبكى مظنش ده مطلوب دلوقت
المفروض نفوق ونشوف خيبتنا البويبه سببها أيه ولا أيه
ودمتِ فى أمان الله
لا عزاء للجميع فقد استطاع حكامنا بإعلامهم أن يؤججوا من حماسة المصريين في الإتجاه الذي ينسيهم كل ذل وهوان حدث ومازال يحدث .. وجعلوا من حادث (مهما بلغ حجمه) بركانا من الغضب لا يتناسب مع الحدث
انا عرفت المدونة قدرا وانا على النت جميلة جدا ربنا يوفقك وكنت قرات لكى فى حارة زعتر كم انتى رقيقة وواقعية وفعلا جدعة
إرسال تعليق