شهرزاد الإنترنت

تعالي يا شهرزاد أحكيلك
عن ليالي كلها وشوش
عن وصلة سحرية تجيلك
معاها ألف لون ورتوش
وصلة ولا تعرفي أصلها
ليها سلطان يعزها
لو قدرتي على فصلها
يبقى كله كلام فشوش

عالم خيالي وسَرَحنا فيه
نسّانا الإسم ومعانيه
ولِبِسْنا أقنعة مزورة
نضحك بيها عليها وعليه
وبقى للصورة منظرة
غطيت عالأصل وبتداريه
وكل ما الصورة تكبر
نلاقي اسمنا بيصغر
وبتتشوه حروفه فيه

تعالي يا شهرزاد اسمعي
دي حكاوي معاها هتلمعي
ولا تقوليلي ألف ليلة
ولا للأفكار هتجمعي
وماتخافيش من السيف
حواديتك بيها هتخدعي
مليون راجل شهريار
بس انتي يا حلوة ادلعي

مستغربة كلامي ومعناه ؟
ومحتارة في حزني ؟
حانســاه
أصل الوهم يا حبيبتي
عمري ماهاعيش وياه
طلقته بالتلاتة أو خلعته
المهم إني أفضل سايباه
حبة كرامة فاضلالي

حاصونها ليوم ما حالقاه