الثلاثاء، أكتوبر 16، 2007

افتكرولنا حاجة عِدلة

الإنسان الخسيس الوضيع ...
مهما ربنا إداله من نِعم وخيرات
ومهما ارتقى وارتفع شأنه في الحياة
بيفضل عايش طول عمره وهو شايف نفسه أقل وأحقر من بقية الناس
وعلشان يقلل من إحساسه بالدونية بيتعمد إيذاء وإهانة أقرب الناس إليه
أو بمعنى أصح ... إهانة إللي ربنا ملكه أمرهم لإنهم الوحيدين إللي يقدر عليهم
الإنسان ده بيفضل طول عمره صفر على الشمال
بيعيش ويموت وهو صفر على الشمال
وماحدش بيفتكره بعد موته غير بكل سوء
ده إذا حد افتكره من الأساس
لإن أول ما بتيجي سيرته تلاقي الكل بيقول في نفس واحد :
افتكرولنا حاجة عِدلة .
عن أم المؤمنين عائشة (رضي الله عنها) قالت : استأذن رجل على رسول الله (صلى الله عليه وسلم) فقال : ائذنوا له ، بئس أخو العشيرة ، أو ابن العشيرة .
فلما دخل آلان له الكلام ، قلتُ : يا رسول الله ، قلت الذي قلت ، ثم ألنت له الكلام ؟
قال : أي عائشة ، إن شر الناس من تركه الناس ، أو ودعه الناس ، اتقاء فحشه ... رواه البخاري ومسلم .
-----------------------------------
* تحديث :
عن أبي هريرة (رضي الله عنه) قال : قال رسول الله (صلى الله عليه وسلم) :
إن الله إذا أحب عبدا دعا جبريل فقال : إني أحب فلانا فأحبه .
قال : فيحبه جبريل ، ثم ينادي في السماء فيقول : إن الله يحب فلانا فأحبوه ، فيحبه أهل السماء .
قال : ثم يوضع له القبول في الأرض .
وإذا أبغض عبدا دعا جبريل فيقول : إني أبغض فلانا فأبغضه .
قال : فيبغضه جبريل ، ثم ينادي في أهل السماء : إن الله يبغض فلانا فأبغضوه ، قال : فيبغضونه .
ثم توضع له البغضاء في الأرض .
رواه مسلم

هناك 12 تعليقًا:

عصفور المدينة يقول...

كثير أوي النوع ده بس افتكري لنا حاجة عدلة
:)

إيمان الحسيني يقول...

وما أكترهم يا أخي الكريم
نسأل الله العفو والعافية
اللهم آمين


كل سنة وحضرتك وأهل بيتك طيبين
:)

ma 3lina يقول...

يا ترى يا هل ترى .. إيه اللي ورا البوست دا ؟؟

إمضاء : واحد حشري

Ahmed يقول...

يا شيخة افتكرلنا حاجة عدلة

وعلى فكره انا عارف الكلام ده على مين

:)

a Dreamer with feet on the Floor يقول...

the world is full of all Paradoxes...so 2 B able 2 live in satisfaction ..thank Allah that there R good ones make us B able 2 Endure the bad ones..
and make it a lesson 2 U guiding U 2 B a good positive one in life so 2 B accepted and Being Beloved,,,
best wishes..

إيمان الحسيني يقول...

هو لازم يكون في حاجة ورا البوست يا ما علينا ؟
:D

بص حواليك واسمع شكاوي الناس
مش الرسول (صلى الله عليه وسلم) قال :
إذا وسد الأمر إلى غير أهله فانتظر الساعة ... رواه البخاري
شوف بقى كام أمر حواليك وسد لغير أهله

الله المستعان

إيمان الحسيني يقول...

طب يا أحمد قوللي على حاجة عدلة واحدة بس أفتكرها
!!!!

:D

إيمان الحسيني يقول...

أخي الحالم
فيه ناس كتيرة للأسف محرومة من نعمة محبة الآخرين ليها

وده بيفكرني بالحديث القدسي :
إن الله ، إذا أحب عبدا ، دعا جبريل فقال : إني أحب فلانا فأحبه . قال فيحبه جبريل . ثم ينادي في السماء فيقول : إن الله يحب فلانا فأحبوه . فيحبه أهل السماء . قال ثم يوضع له القبول في الأرض . وإذا أبغض عبدا دعا جبريل فيقول : إني أبغض فلانا فأبغضه . قال فيبغضه جبريل . ثم ينادي في أهل السماء : إن الله يبغض فلانا فأبغضوه . قال فيبغضونه . ثم توضع له البغضاء في الأرض ... رواه مسلم .

الطائر الحزين يقول...

اللهم انا نسألك العفو والعافية

كل عام انت الى الله اقرب

اسكندراني اوي يقول...

احلى نعمه على الانسان ان الناس تحبه
وهو حي وبعد ما يموت

اما الصنف اللي بتتكلمي عليه ده
ربنا ما يجعلنا منه

إيمان الحسيني يقول...

فعلا أخي الكريم
نسأل الله العفو والعافية


عظم الله أجركم
ورزقكم الصبر والسلوان
اللهم آمين

إيمان الحسيني يقول...

الكارثة يا إسكندراني إن الصنف ده من الناس بيبقى فاكر إن الناس بتكرهه علشان بتحقد عليه وغيرانه منه
ومش عارف إنها بتكرهه علشان أفعاله السيئة إللي عليها إجماع من القريب والبعيد


نسأل الله حُسن الخاتمة
اللهم آمين