الاثنين، يوليو 21، 2008

رابطة مُشجعي دخول جهنم

طبعا كلنا عارفين إن امبارح كان ماتش الأهلي والزمالك
بس مع احترامي الشديد لمشجعي الفريقين عندي سؤال بسيط
ليه التشجيع دلوقتي بقى بالشتيمة والسب والخوض في الأعراض ؟!!!
وأنا مروّحة امبارح في أتوبيس الشغل عدى من جنبنا عربية فيها مشجعين لأحد الفريقين مألفين أغاني تشجيع ضد الفريق التاني
والأغاني كلماتها كلها شتايم لحد وقت قريب ممكن تعتبر سب علني وخدش للحياء وخوض في الأعراض !!!
يا فرحتي لما الفريق يكسب وأنا أخش النار من أوسع أبوابها علشان كنت باشجعهم بالطريقة القذرة دي
اتقوا الله يا ناس
قال رسول الله (صلى الله عليه وسلم) لمعاذ بن جبل (رضي الله عنه) : ألا أخبرك برأس الأمر وعموده وذروة سنامه ... الجهاد .
ثم قال : ألا أخبرك بملاك ذلك كله ؟
قلت : بلى .
فأخذ بلسانه فقال : تكف عليك هذا .
قلت : يا نبي الله وإنا لمؤاخذون بما نتكلم به ؟!!!
قال : ثكلتك أمك يا معاذ وهل يكب الناس على وجوههم في النار إلا حصائد ألسنتهم ... صححه الألباني .

هناك 4 تعليقات:

وجهة نظري يقول...

صحيح، بارك الله فيكي.

الطائر الحزين يقول...

طبعا كلامك مضبوط

بس نفسى اسأل ما هى القوة التى تدفعهم لهذا؟؟؟

ايامنا الحلوة يقول...

شئ مخزى فعلا وعار علينا كملمين ولكن أكثر الناس لايعقلون

بارك الله فيكى أختى الكريمة إيمان

يا مراكبي يقول...

برغم من إستمتاعي بمشاهدة مباريات كرة القدم وبرغم من تشجيعي للنادي الأهلي لكن عمري ما تخيلت إن الواحد يصل لمرحلة الجنون اللي بنشوفها في الملاعب دي .. الناس ممكن تموت نفسها لكن ما يفوتهاش المباراة .. وممكن يخسروا أصحابهم بسبب مباراة .. وأصلا ما فيش حد مستفيد أي حاجة غير إن اللاعبين والمدربين هما اللي بيتقاضوا فلوس على كل ده

نفسي أسأل الجمهور: غير المتعة بتاعة المشاهدة .. فيه إيه فايدة كبيرة تخليكوا تموتوا بعض بالشكل ده في التشجيع والشتايم؟ ده عقل ده؟