الأحد، مايو 28، 2006

نموت أحسن

أيوة نموت أحسن
ده القرار الأخير إللي ممكن ناخده بكامل إرادتنا بعد ما أثبتت كل التجارب إن الحياة على أرض بلادنا بقيت مستحيلة
أنا مش باتكلم على حريات ولا نظام ولا أي حاجة من دي
أنا باتكلم على أبسط مُتطلبات الحياة ... الأكل والشرب
الطيور عندها أنفلوانزا
والبيض بقينا قرفانين منه
ده غير إن البيضة بقيت بـ 50 قرش
واللحمة أسعارها بقيت يا نخلتين في العلالي
والألبان مليانة هرمونات من إللي بيعلفوا بيها البقر علشان يجيب لبن عمال على بطال
وطبعا الجبنة شرحه
والزرع مليان مُبيدات مُسرطنة
والمُعلبات ضررها أكتر من نفعها
والميه حدث عنها ولا حرج
بالله عليكم يا أولياء أمورنا ... ناكل إيه علشان نعيش ؟

هناك 14 تعليقًا:

moshakes يقول...

والله اذا كانت هيا دى احلامك
فعلى رأيك الموت احسن

عبدالله النديم يقول...


أنفجروا أو موتوا
رعب أكثر من هذا سوف يجيء
لن ينجيكم ان تعتصموا منه بآعالى جبال الصمت او ببطون الغابات
لن ينجيكم أن تختبئوا فى حجراتكم
أو تحت وسائدكم أو فى بالوعات الحمامات
صلاح عبدالصبور

Romantic Rose يقول...

الدايت أسلم طريقه .. عليكي و علي العيش السن و شربة الخضار .. طبعا تسلقي الخضار و ترمي ميته الاول "اللي فيها كل الفايده بس علشان دفع الضرر أولي من جلب المنفعه" و تقرقشيلك رغيف عيش سن "من الرده و نخالو القمح يعني الحمد لله بعيد عن القمح الامريكي كمان" و تقضيها تقشف بقي يا ايمان !!

ربنا يطلعنا منها علي خير !!

te3mah يقول...

يا مشاكس أنا مش باتكلم على أحلامي
أنا باتكلم على أبسط حقوق الحياة
لقمة العيش

te3mah يقول...

ربنا يسلم يا عبد الله

te3mah يقول...

تصدقي يا رومانتيك
أنا بقالي خمس شهور ونص عاملة رجيم
ومقضياها عيش سن
:(
بس أهلي ذنبهم إيه ؟

Abdou Basha يقول...

I agree with you..
I am searching for someone who can kill me.
8-(

te3mah يقول...

إيه ده ؟!!!
هو الموت كمان بقى صعب ؟!!!
حسبنا الله ونعم الوكيل

منور مدونتي يا عبده باشا :)

moshakes يقول...

يا مشاكس أنا مش باتكلم على أحلامي
أنا باتكلم على أبسط حقوق الحياة
لقمة العيش


اه اذا كان كدة معلش
انا اسف

shady يقول...

ماهو علشان كده قرفوا من النظام
نظام عجز أن يوفر بيضه
أو كوبية ميه نطيفه
الشعوب لا تموت ولكنها الأنظمة

te3mah يقول...

تفتكر يا شادي إن الأنظمة هي إللي هتموت ؟!!!!

Tamer يقول...

سيبك انتي... الناس مش لاقية تاكل أصلاً

te3mah يقول...

على رأيك
حتى لو الأكل بقى نضيف 100% مش هنلاقي فلوس أصلا نشتريه بيها

Ahmed Shokeir يقول...

البيض برده بيعمل مشاكل