أيوة نموت أحسن
ده القرار الأخير إللي ممكن ناخده بكامل إرادتنا بعد ما أثبتت كل التجارب إن الحياة على أرض بلادنا بقيت مستحيلة
أنا مش باتكلم على حريات ولا نظام ولا أي حاجة من دي
أنا باتكلم على أبسط مُتطلبات الحياة ... الأكل والشرب
الطيور عندها أنفلوانزا
والبيض بقينا قرفانين منه
ده غير إن البيضة بقيت بـ 50 قرش
واللحمة أسعارها بقيت يا نخلتين في العلالي
والألبان مليانة هرمونات من إللي بيعلفوا بيها البقر علشان يجيب لبن عمال على بطال
وطبعا الجبنة شرحه
والزرع مليان مُبيدات مُسرطنة
والمُعلبات ضررها أكتر من نفعها
والميه حدث عنها ولا حرج
بالله عليكم يا أولياء أمورنا ... ناكل إيه علشان نعيش ؟
هناك 10 تعليقات:
الدايت أسلم طريقه .. عليكي و علي العيش السن و شربة الخضار .. طبعا تسلقي الخضار و ترمي ميته الاول "اللي فيها كل الفايده بس علشان دفع الضرر أولي من جلب المنفعه" و تقرقشيلك رغيف عيش سن "من الرده و نخالو القمح يعني الحمد لله بعيد عن القمح الامريكي كمان" و تقضيها تقشف بقي يا ايمان !!
ربنا يطلعنا منها علي خير !!
يا مشاكس أنا مش باتكلم على أحلامي
أنا باتكلم على أبسط حقوق الحياة
لقمة العيش
ربنا يسلم يا عبد الله
تصدقي يا رومانتيك
أنا بقالي خمس شهور ونص عاملة رجيم
ومقضياها عيش سن
:(
بس أهلي ذنبهم إيه ؟
I agree with you..
I am searching for someone who can kill me.
8-(
إيه ده ؟!!!
هو الموت كمان بقى صعب ؟!!!
حسبنا الله ونعم الوكيل
منور مدونتي يا عبده باشا :)
ماهو علشان كده قرفوا من النظام
نظام عجز أن يوفر بيضه
أو كوبية ميه نطيفه
الشعوب لا تموت ولكنها الأنظمة
تفتكر يا شادي إن الأنظمة هي إللي هتموت ؟!!!!
على رأيك
حتى لو الأكل بقى نضيف 100% مش هنلاقي فلوس أصلا نشتريه بيها
البيض برده بيعمل مشاكل
إرسال تعليق